web counter
LEXO PA REKLAMA!

SHKARKO APP

App Store
Google Play

Skenë reale nga filmi ‘I vetëm në shtëpi'/ Prindërit harrojnë djalin e tyre dhe nisen për pushime

15 Korrik 2022, 14:41, Aktualitet CNA

Skenë reale nga filmi ‘I vetëm në shtëpi'/

Të gjithë e kemi parë filmin “I vetëm në shtëpi”,  kur prindërit harrojnë djalin e tyre dhe nisen për pushime.

E njëjta histori ka ndodhur dhe në Itali, por kësaj radhe nuk është një skenar filmi, por është një realitet i një familjeje italiane.  

E vështirë për t’u besuar, por totalisht reale. Ngjarja ka ndodhur në Bolonja të Italisë ku një 7-vjeçar mbeti i vetëm në rrugë pasi prindërit e tij të pavetëdijshëm për mungesën e tij u nisën drejt destinacionit që kishin zgjedhur për pushime.

Djali, i cili qante dhe kërkontë prindërit është vënë re nga disa kalimtarë të rastësishëm, të cilët më pas kanë lajmëruar policinë. 

Pasi kontaktuan me prindërit u sqarua dhe ngjarja se si kishte ndodhur.

Skenë reale nga filmi ‘I vetëm në shtëpi'/

Prindërit ishin larguar me dy mjete të ndryshme. Fëmija duhej të hipte në kamping me të atin, por në momentin e fundit kishte ndryshuar mendje duke dashur t’i bashkohej së ëmës.

Megjithatë, gruaja që drejtonte makinën ishte larguar për disa minuta dhe kështu i vogli mbeti në rrugë. Burri besonte se djali ishte larguar me të ëmën,  por kjo e fundit, e pavetëdijshme për ndryshimin e planeve ishte nisur disa minuta më parë.

Familja është rikthyer në vendodhjen e djalit dhe më pas së bashku me djalin janë nisur për pushime përsëri./CNA.al





Lajmet e fundit nga