E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Partia e inceneratorëve, në aksion/ Afera korruptive, që po iu “kërcet dhëmbët”

15 Korrik 2022, 11:56, Aktualitet CNA

Partia e inceneratorëve, në aksion/ Afera korruptive, që po iu

Partia e inceneratorëve, LSI, është zgjuar para zgjedhjeve lokale të vitit të ardhshëm, pak kohë para se ish-drejtuesi i saj, Ilir Meta, të lërë Presidencën.

Dyshohet pas pas mungesës së financave nga inceneratorët, partia në fjalë ka nisur denocimin ndaj aferës.

E çuditshme është se është kujtuar për këtë aferë kohët e fundit, ndërkohë që mediat, si CNA.al ka dhënë prej vitesh alarmin.

Sot, ajo që njihet ligjërisht për kryetare të LSI-së, Monika Kryemadhi, ka nxjerrë Endrit Braimllarin, Sekretarin e Përgjithshëm të LSI-së, që të bëjë recitimin e radhës për inceneratorët.

Pothuajse me të njëjtin fjalim, LSI, partia e inceneratorëve, i nxjerr nga mëngjesi në darkë në podium, recituesit e saj.

Deklarata e Braimllarit:

Është e qartë që kemi të bëjmë me një grup të strukturuar kriminal që kokat i ka në kryeministri dhe në Bashkinë e Tiranës.

Kjo aferë korruptive nuk mund të vihej në zbatim pa mbështetjen e drejtpërdrejtë të Edi Ramës dhe Erion Veliajt.

Edi Rama dhe Erion Veliaj nuk janë mjaftuar vetëm me skemën fiktive të ndërtimit të inceneratorit, por kanë vënë në zbatim duke përdorur institucionet shtetërore dhe skemën e evazionit fiskal që kap vlerën e 189 milionë dollarëve nëpërmjet firmave fiktive duke vjedhur identitetin e qytetarëve.

Janë 24 kompani fiktive me të cilat janë vjedhur 189 milionë dollarë, të cilat janë para të qytetarëve shqiptarë. Ndërkohë, qytetarët paguajnë çdo ditë 80 mijë dollarë për kontratën korruptive të inceneratorit të Tiranës.

Qytetarët varfërohen çdo ditë, ndërkohë që Edi Rama dhe Erion Veliaj vijojnë zbatimin dhe mbrojtjen e aferës korruptive të inceneratorit të Tiranës.

Çmimet e larta të shportës, të karburanteve, të shërbimeve të ndryshme, pagat e ulëta, kostoja e lartë e jetesës po rëndojnë çdo ditë mbi familjet shqiptare.

Afera më e madhe e shekullit, ajo e inceneratorëve, kërkon urgjentisht thellimin e hetimeve për të ndaluar pagesat korruptive dhe për të shkuar te përgjegjësit e vërtetë të këtij grupi të strukturuar kriminal që udhëhiqet nga Edi Rama dhe Erion Veliaj.

Edi Rama dhe Erion Veliaj duhet të vihen sa më shpejt përpara drejtësisë, si dy kokat e grupit të strukturuar kriminal të inceneratorëve, skemë, e cila u ka vjedhur qytetarëve miliona euro.

Këto para të cilët shkojnë për xhepat e mafies së plehrave duhet të ishin përdorur për të ndihmuar familjet shqiptare në nevojë, bizneset e vogla si dhe për të shtuar investimin në arsim dhe shëndetësi.

Koha për SPAK nuk pret.

Është momenti për të vepruar dhe për të provuar që reforma në drejtësi e votuar me 140 vota dhe me kontributin e jashtëzakonshëm të LSI-së të vihet në zbatim dhe të mos shantazhohet nga Edi Rama dhe Erion Veliaj./CNA.al