E fundit!

20:46 Politikë

“Në drejtimin e duhur me kalendarin ambicioz”/ Rama: Jam optimist në mënyrën më shqiptare për mbylljen e kapitujve

Kryeministri Edi Rama gjatë fjalës së tij në konferencën n...

'''Rrethi Katror", gjuhë urrejtjeje ndaj hebrenjve"/ Ambasada e Izraelit notë proteste kundër "Top Channel"

16 Korrik 2022, 20:36, Aktualitet CNA

'''Rrethi Katror", gjuhë urrejtjeje ndaj

Televizioni "Top Channel"

Televizioni "Top Channel" ka shkaktuar pakënaqësi me mesazhet që transmeton në emisione.

Ambasada e Izraelit në Tiranë ka bërë një notë proteste kundër televizionit "Top Channel" dhe më konkretisht për rubrikën “Rrethi Katror”, në emisionin “E Diell”.

Me anë të një shkrese që ka dërguar pranë Ministrisë për Europën dhe Punët e Jashtme (MEPJ), ambasada e Izraelit kërkon të merren masa për përmbajtjen që është transmetuar në këtë emision.

Ambasada ka përmendur emisionin e datës 5 qershor 2022, ku pretendon se të ftuarit kanë dhënë mesazhe kundër hebrenjve, ndërsa thekson se drejtuesi i emisionit nuk ka ndërhyrë në asnjë moment.

Ky institucion kujton rolin e Shqipërisë gjatë holokaustit dhe kërkon të parandalohet diskursi, nxitja dhe synimi antisemitik nga "Top Channel".

Shkresa e Ambasadës së Izraelit në Tiranë

Shkresa e ambasadës së Izraelit në Tiranë:

Ambasada e shtetit të Izraelit në Republikën e Shqipërisë i shpreh komplimente Ministrisë për Europën dhe Punët e Jashtme të Republikës së Shqipërisë dhe ka nderin të informojë sa vijon:

"Kemi vënë re se gjatë një programi televiziv të titulluar 'Rrethi Katror' të transmetuar nga televizioni kombëtar 'Top Channel' më 5 qershor 2022, një nga të ftuarit në program ka shprehur mendim me përmbajtje antisemitiste, të cilat nuk janë kundërshtuar nga drejtuesi i TV, në mënyrë të përsëritur.

Kjo bie krejtësisht në kundërshtim me traditën shqiptare, si i vetmi vend në Europë që i shpëtoi hebrenjtë para, gjatë dhe pas holokaustit. Për më tepër, si një vend mik i Izraelit ka miratuar dhe i është bashkuar Aleancës Ndërkombëtare të Kujtimit të Holokaustit për antisemitizmin, dhe për këtë arsye duhet të veprojë në përputhje me rrethanat. Ju kërkojmë me dashamirësi të ndërmerrni hapat e nevojshëm për të parandaluar diskursin, nxitjen dhe synimin e tillë antisemitik që pa dyshim mund të shkaktojë gjakderdhje dhe vuajtje për njerëzit e pafajshëm (vendas dhe turistë).

Ambasada e shtetit të Izraelit në Republikën e Shqipërisë përfiton nga ky rast për t'i shprehur Ministrisë për Europën dhe Punët e Jashtme të Republikës së Shqipërisë konsideratën më të lartë"./ B.A. - CNA.al