web counter
LEXO PA REKLAMA!

SHKARKO APP

App Store
Google Play

E fundit!

x

Firmoset vendimi “Dëshmor i Kombit” për Anri Kashikun/ Peleshi: Mirënjohje dhe respekt

15 Korrik 2022, 22:13, Aktualitet CNA
Firmoset vendimi “Dëshmor i Kombit” për Anri Kashikun/
Anri Kashiku

Anri Kashiku, 18-vjeçari që humbi jetën ndërsa përpiqej të shpëtonte të vëllanë dhe një shokun e tij që ishin marrë nga dallgët në Durrës, është shpallur “Dëshmor i Atdheut”. Lajmin familjarëve ua dha kryeministri pasditen e së premtes, ndërsa ata kishin hapur dyert e mortit.

Ndërkohë, ministri i Mbrojtjes, Niko Peleshi, ka bërë të ditur se e ka firmosur sot vendimin e Komisionit Qendror të Statusit “Dëshmori i Atdheut” për t’i dhënë statusin “Dëshmor i Atdheut”, Kashikut.

Peleshi ka publikuar edhe një foto të certifikatës në llogarinë e tij në "Facebook".

“Në shenjë mirënjohjeje dhe respekti të thellë për sakrificën e tij sublime në përpjekje për të shpëtuar dy jetë, firmosa sot vendimin e Komisionit Qendror të Statusit 'Dëshmori i Ardheut' për t’i dhënë statusin 'Dëshmor i Atdheut', Anri Kashikut.
Akti heroik i Anrit që sakrifikoi jetën e tij për të mbrojtur jetët e të tjerëve e përjetëson atë në memorien tonë si simbol i vetëmohimit. I shpreh ngushëllime familjes së heroit tonë për ndarjen e parakohshme nga jeta”, shkruan ministri Peleshi./CNA.al

Firmoset vendimi “Dëshmor i Kombit” për Anri Kashikun/





Lajmet e fundit nga