Kreu i ri i SPAK/ Gazetarja Lala tregon kandidatët e mundshëm

18 Shtator 2025, 22:55, Aktualitet CNA

Gazetarja Klodiana Lala e ftuar në MCN TV ka folur mbi garën për kreun e ri të SPAK dhe emrat e mundshëm që mund të garojnë për të zëvendësuar Altin Dumanin.

Lala u ndal te disa nga prokurorët e SPAK për të cilët tha se kanë potencial për të garuar për të qenë në krye të Prokurorisë së Posaçme.

Një ndër emrat që përmendi Lala, ishte prokurori Klodian Braho, i cili ishte dhe i pranishëm në takimin e sotëm mes Altin Dumanit dhe të dërguarës m punë të SHBA në Tiranë, Nancy VanHorn.

Një tjetër emër, për të cilin Lala tha se mund të garojë për në krye të Prkurorisë së Posaçme është dhe Sotir Kllapi apo dhe Vladimir Mara. Prokurorë këta që kanë pasur çështje të rëdësishme të krimit dhe korrupsionit.

Duke u ndalur te vizita e VanHorn në SPAK, Lala tha se e sheh si një mesazh që amerikanët po monitorojnë procesin për kreun e ri të Prokurorisë së Posaçme.

“Zoti Dumani përfundon mandatin tre vjeçar në 18 dhjetor të këtij viti. Sipas procedurës, KLP hapi garën për drejtuesin e ri dhe ftoi personat e interesuar të shprehin interesin.

Ligji parashikon dy javë afat por KLP e ka zgjatur tre javë dhe deri në 8 tetor mund të shprehin interesin dhe platformën, çështjet që kanë hetuar, performancën, kontrolli i pasurisë, kontrolli i telefonit, gjatë të gjithë kohës janë në përgjim dhe vëzhgim, prokurorët dhe familjarët. Më pas duhet të kenë komunikimin me median, e me rradhë.

Përfaqësuesja e SHBA ka takuar Dumanin dhe Klodian Brahon. Shprehja e kësaj mbështetje më bën të mendoj se zoti Braho mund të jetë një nga kandiadtët potencialë. Ai ka hetuar Toyota Yaris, arrestimin e kryeprokurorit të Vlorës, ka hetuar dosjen 5D dhe në këtë aspekt, konsiderohet një nga personat që mund të drejtojtë SPAK. Ka patur presione por në ato çështje që ka patur, ka dhënë disa shkëndija që mund të drejtojë.

Emrat e tjerë, Adnan Xholi. Edhe ai ka patur çështje të rëndësishme, që kanë të bëjnë me krimin e organizuar. Ka goditur grupin, rastin e atentatit ndaj ish prokurorit të Durrësit, Arjan Ndoji, ka dërguar prapa hekurave disa emra të krimit. Laboratori në Frakull. Familja e tij është në mbrojtje. Konsiderohet si kandidat potencial.

Përfliten Sotir Kllapi, prokurori që ka dosjen Meta dhe Vladimir Mara. Ata i plotësojnë të gjithë kriteret. Do të preferoja personin që ka mbajtur më shumë presion publik. Në SPAK ka mbajtur barrë të dosjeve për dy nga organizatat më të mëdha, është edhe njëra nga zonjat, Doloreza Musabelliu. Fakti që amerikanët ishin në SPAK dhe qëndruan aty, ishte një mesazh i qartë që po monitorojnë procesin. E lexoj si një mesazh”, tha Lala./CNA