web counter
LEXO PA REKLAMA!

SHKARKO APP

App Store
Google Play

E fundit!

x

Lirimi i hapësirave publike/ Aksion në Shkodër, lirohen 4 blloqe banimi

18 Shtator 2025, 17:05, Aktualitet CNA

Lirimi i hapësirave publike/ Aksion në Shkodër, lirohen 4 blloqe

Aksioni për lirimin e hapësirave publike po vijon në Shkodër. Kësaj here, vëmendja është përqendruar pranë blloqeve të pallateve, ku edhe vetë qytetarët kanë depozituar ankesa pranë Policisë Bashkiake për zënien e hapësirave të përbashkëta për komunitetin.

Aksioni është zhvilluar në lagjen “Skënderbeg”, pranë blloqeve të pallateve të ish-të përndjekurve.

Sipas Drejtorit të Policisë Bashkiake, Saimir Rrustemi, kjo është faza e dytë e ndërhyrjeve që po realizohen mes Policisë Bashkiake dhe IMT-së. Pas lirimit të rrugëve kryesore, tashmë po ndërhyhet pranë blloqeve të banimit në brendësi të lagjeve të qytetit.

“Pas përfundimit të fazës së parë të aksionit i cili u përqendrua në akset kryesslore po vijojmë me pjesën e dytë.Këtë herë mes pallateve ku problemet janë edhe më të mëdha. Aktualisht janë liruar 3 blloqe banimi dhe ky është blloku i katërt. Shpresojmë që me ndihmën e qytetarëve ta mbarojmë me sukses ashtu sic mbaruam fazën e parë”,-tha Rrustemi.

Në bazë të të dhënave të Bashkisë Shkodër, ky është blloku i katërt i pallateve ku fadromat e Bashkisë po ndërhyjnë për të liruar sipërfaqe publike të zaptuara prej vitesh.

Aksioni pritet të vijojë edhe në zona të tjera të qytetit të Shkodrës ku janë evidentuar shkelje dhe zaptime të sipërfaqeve publike të cilat duhet ti kthehen qytetarëve./CNA





Lajmet e fundit nga