web counter
LEXO PA REKLAMA!

SHKARKO APP

App Store
Google Play

E fundit!

x

Çfarë ka ndryshuar që Gjykata e Lartë ta nxjerrë Erion Veliajn nga burgu?

18 Shtator 2025, 14:32, Aktualitet CNA

Çfarë ka ndryshuar që Gjykata e Lartë ta nxjerrë

Sot u njoftua se në datën 2 tetor është lënë seanca e Gjykatës së Lartë pas kërkesave të Erion Veliajt për ndryshimin e masës së sigurisë arrest në burg.

Në fakt, një vendim i Gjykatës së Lartë është dhënë në datën 8 korrik që kryebashkiakun e Tiranës e ka lënë në burg.

Vendime kanë dhënë edhe Gjykata e Faktit, GJKKO-ja dhe Apeli i GJKKO-së, të gjitha nivelet, pra, nga Fakti në Gjykatë të Lartë e kanë lënë Erion Veliajn në burg.

Vendimi mban datën 8 korrik 2025, është zhvilluar një seancë, janë dëgjuar avokatët dhe trupi gjykues ka vendosur.

Në fakt, sot jemi pas 2 muajsh, në tetor do të zhvillohet seanca e radhës.

Çfarë ka ndryshuar nga situata ku ishte në korrik në Gjykatën e Lartë që nuk e nxorën nga burgu Erion Veliajn që ta nxjerrin nga burgu në tetor kur është vendosur data?

I vetmi ndryshim mund të jetë që ta shkarkojë shpejt e shpejt Këshilli Bashkiak dhe Këshilli i Ministrave e më pas, pas këtij shkarkimi, Gjykata e Lartë, ndoshta të ketë një precedent, në rast se do të përputhen datat e gjykimit me çështjen e shkarkimit.

Pra, që të ketë një rrethanë të re, e cila është që Erion Veliaj nuk është më kryetar bashkie dhe s’ka se si t’i prishë provat, mund të çohet në shtëpi, por në rast se vazhdon të jetë ende në detyrë dhe nuk jep dorëheqjen, cila është arsyeja dhe çfarë ka ndryshuar që Gjykata e Lartë ta lirojë apo t’i ndryshojë masën e sigurisë kryebashkiakut Veliaj?

Sepse jemi në të njëjtën situatë, vetëm se jemi disa muaj më vonë dhe nuk ka asnjë ndryshim nga faktet dhe nga provat, apo rrethana lehtësuese për kryebashkiakun e Tiranës, përkundrazi ka edhe një dosje fraksion që qartazi duket se mund t’u rëndojë pozitat Veliajt, bashkëpunëtorëve dhe familjarëve të tij./CNA

 

 

 

 

 





Lajmet e fundit nga