E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

31 ditët e mashtrimit/ Erion Veliaj dhe Mero Baze vijojnë të gënjejnë shqiptarët

17 Shtator 2025, 13:25, Aktualitet CNA

31 ditët e mashtrimit/ Erion Veliaj dhe Mero Baze vijojnë të

31 ditë kaluan. Erion Veliaj dhe Mero Baze vijojnë mashtrimin e tyre publik.

Sot janë mbushur 31 ditë nga pretendimet dhe akuzat ndaj prokurorit Ols Dado që sipas Veliajt dhe Bazes ka kërkuar një shtesë mbi lejen e ndërtimin dhe duke qenë se i është refuzuar prokurori i ka kryer hetimet për hakmarrje apo në konflikt interesi.

Ky mbetet një mashtrim publik pasi si Erion Veliaj, si Mero Baze nuk kanë publikuar asnjë dokument me firmën e prokurorit dhe as refuzimin me firmën e kryebashkiakut.

Pretendimi i Erion Veliajt

Në pikën 135, Veliaj thotë se prokurori Ols Dado ka marrë një leje ndërtimi në Bashkinë e Tiranës dhe pastaj ka kërkuar një shtesë mbi atë me leje dhe kjo i është refuzuar.

31 ditët e mashtrimit/ Erion Veliaj dhe Mero Baze vijojnë të

Ndërsa në pikën 136 të dokumentit pa vulë dhe pa firmë, Erioni e trajton këtë si një çështje “hakmarrjeje” nga ana e prokurorit Ols Dado, sepse, sipas tij, nuk i është dhënë leja e ndërtimit për shtesën pasi ka bërë një kërkesë.

31 ditët e mashtrimit/ Erion Veliaj dhe Mero Baze vijojnë të

Pse Erion Veliaj nuk e nxjerr dokumentin me firmën e Ols Dados dhe refuzimin me firmën e tij?

Pretendimi i Mero Bazes

Mero Baze thotë se, sipas tij, hetimi ndaj Veliajt është i kërkuar me ngulm nga një prokuror, i cili muaj më parë ka pasur konflikt personal me të, lidhur me kërkesat e tij për një leje ndërtimi jashtë kritereve ligjore që kishte bashkia.

“Pra, është e qartë që kemi të bëjmë me një hetim të kërkuar me ngulm nga një prokuror, i cili muaj më parë ka pasur konflikt personal për të, lidhur me kërkesat e tij për një leje ndërtimi jashtë kritereve ligjore që kishte bashkia, e cila nuk i është realizuar”, thotë Mero Baze, i cili shërben si vegël e kryebashkiakut Erion Veliaj.

Nëse është kështu, pse nuk e vërteton Mero Baze? Ku e ka dokumentin me firmën e Ols Dados dhe refuzimin me firmë të Erion Veliajt? Pse nuk e nxjerr?

Erion Veliaj dhe Mero Baze vijojnë mashtrimin publik ndaj shqiptarëve, prej 31 ditësh, thjesht dhe vetëm për të sulmuar drejtësinë për faktin se ka çuar prapa hekurave një kryebashkiak të arrestuar për disa vepra të rënda penale dhe me 13 akuza, i cili sot ndodhet në qelitë e burgut të Durrësit dhe dirigjon Mero Bazen, mbetjen e vetme mediatike të tij./ CNA