web counter
LEXO PA REKLAMA!

SHKARKO APP

App Store
Google Play

E fundit!

x

"Arben Rakipi është kameleon"/ Visha: Ata që dalin nga Shkolla e Magjistraturës janë të një niveli të ulët

17 Shtator 2025, 08:40, Aktualitet CNA

"Arben Rakipi është kameleon"/ Visha: Ata që dalin nga

Avokati Saimir Visha, i ftuar në emisionin “Kafe Shqeto” me gazetarët Flavio Qarri dhe Greta Togani, foli për Draftin e Kodit të Ri Penal.

Visha kritikoi qëndrimet publike të drejtorit të Shkollës së Magjistraturës, Arben Rakipit, duke thënë se nuk mund të dalë në media e të thotë që është etalon i pastërtisë. Saimir Visha u shpreh se Rakipi është kameleon dhe ende nuk ka bërë transparente se cili është komisioni i propozimit të Kodit Penal dhe sa janë paguar.

Ndër të tjera ai tha se avokatët që dalin nga shkolla e Arben Rakipit janë të një niveli shumë të ulët.

"Magjistratët që dalin nga shkolla e Arben Rakipit janë të një niveli shumë të ulët.

Propozimi i Kodit të Ri Penal është politik. Arben Rakipi është kameleon, nuk dimë ende cili është komisioni dhe sa para kanë marrë. Arben Rakipi nuk mund të dalë në media të thotë jam etalon i pastërtisë", deklaroi Visha.

 

Lidhur me Draftin e Kodit të Ri Penal Visha tha se ka terminologji jo të përshtatshme në disa raste dhe ka ndëshkime për avokatët e për qytetarët për vepra penale të lehta.

"Kodi Penal është shumë i rëndësishëm, por ka benefite për të dënuarit, por shumë ndëshkime për avokatët.

Ka terminologji që nuk përdoret as në gjuhën popullore si p.sh. 'martesë me zorr'. Ne zorr u themi zorrëve, termi është kanosje.

Populli shqiptar është 1 milion banorë, të gjithë në burg do të shkojnë", tha avokati./CNA

 

 





Lajmet e fundit nga