web counter
LEXO PA REKLAMA!

SHKARKO APP

App Store
Google Play

E fundit!

x

Vendi vakant në Gjykatën Kushtetuese/ KED interviston 2 kandidatë për anëtarin e gjashtë

16 Shtator 2025, 19:36, Aktualitet CNA

Vendi vakant në Gjykatën Kushtetuese/ KED interviston 2 kandidatë

Këshilli i Emërimeve në Drejtësi intervistoi këtë të martë dy kandidatë për vendin vakant të anëtarit të gjashtë të Gjykatës Kushtetuese.

Në mbledhjen e sotme të zhilluar nga KED, u intervistua Aleksandër Toma dhe Përparim Kalo.

Kandidatët prezantuan platformat e tyre të kandidimit, duke paraqitur qasjen e tyre mbi rolin e një gjyqtari kushtetues dhe prioritetet në ushtrimin e këtij funksioni të rëndësishëm. Gjithashtu, ata iu përgjigjën pyetjeve të anëtarëve të KED-së, të fokusuara në përvojën e tyre profesionale dhe vizionin për rolin e ardhshëm si anëtarë të Gjykatës Kushtetuese.

Në garën për vendin vakant janë 6 kandidatë nga 13 që ishin në fillim të procesit.

Kandidatë janë: Ish-anëtari i KLGJ-së, Alban Toro, ish-komisionerja e vettingut, Alma Faskaj, gjyqtari i lartë, Asim Vokshi, ish-komisioneri publik, Florian Ballhysa, ish-kryetarja e komisionit të Pavarur të Kualifikimit, Genta Bungo dhe ish-kryetarja e KLGJ-së, Naureda Llagami.

Këshilli do të vijojë të mërkurën, datë 17.09.2025 me procesin e pikëzimit, i cili do të kryhet në përputhje me kriteret e përcaktuara në ligj dhe aktet nënligjore në fuqi./CNA





Lajmet e fundit nga