web counter
LEXO PA REKLAMA!

SHKARKO APP

App Store
Google Play

E fundit!

x

Dumani pret homologun serb/ Në fokus shkëmbimi i informacionit dhe ekspertizës

15 Shtator 2025, 16:19, Aktualitet CNA

Dumani pret homologun serb/ Në fokus shkëmbimi i informacionit dhe

Kreu i Prokurorisë së Posaçme, Altin Dumani ka pritur sot në një takim homologun e tij serb, Mladen Nenadic.

Takimi është njoftuar nga SPAK me anë të një njoftimi zyrtar, ku thuhet se u diskutua për ngritjen në një nivel më të lartë të bashkëpunimit mes dy institucioneve.

Gjithashtu në njoftim thuhet se Dumani dhe Nenadic theksuan rëndësinë e shkëmbimit të ndërsjelltë të informacionit dhe ekspertizës.

 

Njoftimi i SPAK

SPAK dhe Prokuroria për Krimin e Organizuar e Serbisë thellojnë bashkëpunimin

Drejtuesi i Strukturës së Posaçme kundër Korrupsionit dhe Krimit të Organizuar, z. Altin Dumani, priti Drejtuesin e Prokurorisë për Krimin e Organizuar të Serbisë, z. Mladen Nenadic.

Gjatë takimit që u zhvillua në zyrat e SPAK, në Tiranë, u diskutua për ngritjen në një nivel më të lartë të bashkëpunimit mes dy institucioneve në luftën e përbashkët kundër krimit të organizuar, trafikut të drogës dhe pastrimit të parave.

Z. Dumani dhe z. Nenadic theksuan rëndësinë e shkëmbimit të ndërsjelltë të informacionit dhe ekspertizës, në dobi të zbatimit të ligjit, sigurisë rajonale dhe më gjerë.

I mbështetur nga Projekti për Drejtësinë Penale në Ballkanin Perëndimor pranë Eurojust, ky takim, i pari mes dy institucioneve ligjzbatuese të Shqipërisë dhe Serbisë shënon një hap të rëndësishëm përpara në bashkëpunimin, në rajonin e Ballkanit Perëndimor.





Lajmet e fundit nga