web counter
LEXO PA REKLAMA!

SHKARKO APP

App Store
Google Play

E fundit!

x

Regjistrimet te "Luigj Gurakuqi"/ Gjuraj, apel deputetëve: Përdorni parlamentin për të mirën e universitetit

15 Shtator 2025, 14:48, Aktualitet CNA

Regjistrimet te "Luigj Gurakuqi"/ Gjuraj, apel deputetëve:

Ka përfunduar raundi i parë i regjistrimeve në universitetin "Luigj Gurakuqi". Rektori Tonin Gjuraj thotë se nisur nga aplikimet ka një rritje të lehtë të numrit të studentëve me 0.5% megjithatë duhet pritur 24 tetori kur të përfundojnë edhe dy raundet e tjera të regjistrimit ndërsa u bëri thirrje maturantëve të veriut, trevave shqipfolëse dhe kudo tjetër që të zgjedhin universitetin e Shkodrës. Infermieri, fizioterapi dhe financë janë degët më të preferuara. E kundërta ndodh me degë si fizika dhe gjuhë letërsia që vijojnë të kenë probleme.

 

“U bëj thirrje maturantëve që për raundin e dytë me dt. 20-22 shtator t'i drejtohen portalit UAlbania për një tjetër proces aplikimi në universitetin e Shkodrës. Kam një thirrje edhe për ata që kanë përfunduar studimet bachelor për t’u regjistruar në ciklin e dytë të studimeve master. Masteri ka një ofertë më të zgjeruar akademike. Kemi 24 programe studimi në master të shkencave, kemi pasur 17, kemi 3 të reja që i përgjigjen nevojave të tregut të punës, infermieria klinike, marketing inovativ dhe cilësia e ushqimit dhe të ushqyerit që do të jetë vitin tjetër. Kemi 4 programe për gjuhën e huaj për të gjitha gjuhët që janë në universitet, gjermanisht, anglisht, frengjisht dhe italisht. Pra janë 3 programe të reja dhe 4 të riorganizuara. 

Bilanci i regjistrimeve duhet të bëhet pas datës 24 tetor për bachelor sepse me 1 është mbyllur raundi i parë, 20-22 kemi raundin e dytë dhe regjistrohen mes datës 28-8 tetor dhe kemi një raund të tretë të lirë që vijon deri më 24 tetor. Këtu nuk futen transferimet dhe kuotat që vijnë nga trojet. Nisur nga aplikimet ka një përqindje në rritje mbështetur tek aplikimet dhe tek kuotat. Vitin e kaluar kanë qenë 44.73% dhe këtë vit jemi 45.21% në raportin kuota aplikime.

Programet që kanë rritje të ndjeshme është financa dhe këtu kemi studentë cilësorë. Fizika dhe gjuhë letërsia janë programe me shumë probleme dhe stafet duhet të bëjnë një analizë sepse ndodhen në vështirësi. Do punohet fort për programe të reja në bachelor. Histori dhe trashëgimi kulturore e kemi joaktiv sepse e kemi riorganizuar dhe ky program studimi do të aktivizohet në 2026," tha rektori Gjuraj.

 

Gjuraj tha se deputetët e Shkodrës duhët të jenë në mbështetje të universitetit “Luigj Gurakuqi” duke lënë pas ndasitë politike mes tyre për të mirën e Shkodrës.

“Nevoja për investime. I bëj thirrje politikës në Shkodër, përfaqësuesve të Shkodrës në Kuvend, të majtë dhe të djathtë dhe secilit grup që përfaqëson Shkodrën atje, ata të jenë sëbashku, ne të jemi bashkë sepse ky është një interes i lartë publik. Kur të fillojnë, momenti për ndryshimin për arsimin e ligjit të lartë, ky universitet ka nevojë për ta mbështetur.

Do t’i kontaktoj deputetët për të ushtruar presion pozitiv në qeveri për të ndërtuar një kampus në këtë qytet sepse i shërben një gjeografie më të gjerë dhe ka ardhur koha për ta pasur një kampus. Kemi bërë kërkesë që dy godina t’i kalojnë në pronësi universitetit. Ambicia është që të kemi edhe një fakultet të shkencave mjekësore teknike sepse numri është i konsiderueshëm sepse kuotat plotësohen që në raundin e parë.

Brenda tetorit do kemi kartën studentore që prodhohet nga bashkia ndërsa do të nisë edhe mensa dhe kemi kushte të mira në konvikte. Përgatitjet për vitin e ri akademik kanë nisur dhe shpresojmë që auditorët të njohin rritje sidomos programet e mësuesisë duke qenë se janë me prioritet kombëtar”.

 

Programet e reja janë në qender të vemendjes tha Gjuraj e për këtë është lënë detyrë stafit akademik për të punuar./CNA

 

 

 

 

 





Lajmet e fundit nga