web counter
LEXO PA REKLAMA!

SHKARKO APP

App Store
Google Play

E fundit!

x

"Fake news"/ Gazetari përgënjeshtron lajmin për zbardhjen e vrasjes së biznesmenit Bujar Nasufi

18 Shtator 2025, 18:24, Aktualitet CNA

"Fake news"/ Gazetari përgënjeshtron lajmin për

Gazetari Elton Qyno me anë të një postimi në rrjetet sociale, ka përgënjeshtruar lajmin që qarkulloi ditën e sotme, se ishin arrestuar autorët e vrasjes së biznesmenit Bujar Nasufi.

Qyno shkruan se vëllezërit Xhani, të përmendur si autorët e vrasjes së Nasufit janë në burg për armëmbajtje pa leje dhe vrasjen e një tjetër personi.

Gazetari thotë në statusin e tij se i gjithë lajmi i sotëm ka qenë një fake news dhe nuk ka asnjë masë arresti për vëllezërit Xhani apo persona të tjerë të dyshuar si pjesë e vrasjes së biznesmenit.

Më tej, Qyno është ndalur dhe te ajo që mediat raportuan si shkakun e vrasjes, për të cilin tha se është dëshmia e bashkëshortes së viktimës e publikuar kohë më parë.

“Sot një lajm sensacional u hap me shpejtësi në sektorin e Kronikës së Zezë, se ngjarja e vrasjes së tregtarit Bujar Nasufi në Tiranë ishte zbardhur dhe autorët janë dy vëllezërit Xhani, që për momentin janë në burg për mbajtje pa leje të armëve dhe vrasjen e shkofranit Elis Rroshkodolit.

I gjithë raportimi ka qenë një Fake News, pasi as policia dhe as prokuroria nuk ka nxjerrë masa arresti qoftë për vëllezërit Xhani qoftë për persona të tjerë të dyshuar si pjesëmarrës në vrasje.

Shkurt s’ka as zbardhje vrasjeje dhe as të arrestuar për këtë vrasje.

Motivet që jepen në raportime se ekzekutimi ka ndodhur për 30 mijë euro si dëmshpërblimin e një trualli të zënë nga Unaza e Madhe, janë dhënë në fakt në deklarimin e gruas së viktimës kur është pyetur në polici dhe dëshmia e zonjës është publikuar në media kohë më parë dhe jo sot. Deri më sot nuk ka asnjë të ndaluar për këtë ngjarje. Deri më sot kjo ngjarje vijon të jetë e pazbardhur, pavarësisht dyshimeve të akuzës apo policisë”, shkruan Qyno./CNA





Lajmet e fundit nga