web counter
LEXO PA REKLAMA!

SHKARKO APP

App Store
Google Play

Shkarkimi i Veliajt dhe krahasimi me rastin "Berisha"/ Avokati shpjegon pse nuk janë njësoj

18 Shtator 2025, 22:42, Aktualitet CNA

Shkarkimi i Veliajt dhe krahasimi me rastin "Berisha"/ Avokati

Avokati Besnik Muçi në një dalje televizve ka folur për shkarkimin e Erion Veliajt dhe diskutimin nëse mungesa për shkarkim duhet me apo pa arsye.

Muçi tha se në rastin e kryetari të bashkisë, mjafton mungesa tremujore, nuk përcaktohet në ligj me apo pa mungesë.

“Ka një diskutim mes juristëve. Në rastin e kryetarit të bashkisë, nuk ka nevojë të jenë me arsye apo pa arsye mungesat. Ligji thotë tre mujor, nuk thotë me apo pa arsye. Ndryshe nga mandati i deputetit, që thuhet, mungon pa arsye mbi gjashtë muaj në punë. Pra aty ku dëshiron ligjvënësi e ka bërë të qartë. Ligji është i qartë. Interpretimi është i thjeshtë dhe i qartë, nuk ka vijë krahasimi mes mandatit të deputetit dhe mbarimit të mandatit të të zgjedhurit vendor”, tha avokati.

 

Referuar krahasimeve me rastin “Berisha”, Muçi tha se nuk ka vend krahasimi i çështjes së Veliajt me atë të kryedemokratit.

Avokati tha se krahasimi është i pavend, sepse parashikimi kushtetues për mandatin e deputetit është i ndryshëm nga ligji për qeverisjen vendore.

“Krahasimi që i bëtë ju, nuk ka vend, sepse parashikimi kushtetues është për mandatin e deputetit. Ndërsa ligji për pushtetin vendor, nuk kërkon mungesën me apo pa arsye, thotë mosparaqitja në detyrë. Krahasimi nuk ka vend, edhe kur bëhet analiza kushtetuese dhe ligjore. Nuk ka vend për krahasim”, tha avokati./CNA





Lajmet e fundit nga