E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Komentuesi e kritikon/ Belind Këlliçi i jep përgjigjen që nuk pritej, mbështetet nga qytetarët

5 Janar 2023, 21:36, Aktualitet CNA

Komentuesi e kritikon/ Belind Këlliçi i jep përgjigjen që

Kandidati i Partisë Demokratike për bashkinë e Tiranës, Belind Këlliçi

Kandidati i Partisë Demokratike për bashkinë e Tiranës, Belind Këlliçi, i ka dhënë një përgjigje epike një ndjekësi, i cili ka shprehur mosbesim ndaj tij.

Ndjekësi e ka kritikuar për faktin se bashkëshortja e Këlliçit vjen nga një familje socialiste.

“Ky gjasme do fitojë kundër PS-së kur vetë ka marrë gruan te një person që është në PS”, shkruan komentuesi.

Por Këlliçi me qetësi ka shpjeguar se lidhja e tij ka filluar në kohën kur nuk e mendonte se do të kandidonte për kryetar bashkie.

Ai deklaron se nuk do ta ndajë bashkëshorten dhe nuk do të bëjë si në komunizëm vetëm se kanë bindje të ndryshme politike.

“Mos vallë unë Belind Këlliçi jam personi i parë në Shqipëri që kam partneren që vjen nga një familje me bindje të ndryshme politike nga unë? Nëse unë jam i pari, atëherë paskam bërë krim të madh… Kur jam lidhur para 10 vitesh, me thënë drejtën nuk e dija që mund të kandidoja për Kryetar Bashkie një ditë! Tani që jam kandidat si t’ja bëj? Ta ndaj gruan?! Ta bëj si në komunizëm, me luftën e klasave? Si mendon ti?”, thekson demokrati.

Qytetarët e tjerë kanë shprehur mbështetje ndaj kandidatit për kryebashkiak, duke theksuar se nuk duhet të ketë dallime të tilla.

“Bravo Belind në fund të gjithë jemi shqiptarë pa dallim bindje politike, feje e krahine”, shkruan një komentues.

Në përgjigje të qytetarëve, Këlliçi ka theksuar edhe njëherë se kjo çështje nuk e intimidon.

“Pa diskutim që po dhe këtë duhet ta kuptojmë si popull, të paktën tani në 2023. Nëse kam ndonjë akuzë korrupsioni apo abuzimi, të ma bëjnë publike, por këto sulmet enveriste nuk më shqetësojnë hiç, përkundrazi më nderojnë. Për fat jam rritur në liri se kam lindur në 1987 dhe nuk jam i indroktinuar nga propaganda enveriste/komuniste!”, nënvizon ai./ B.A. – CNA.al

Komentuesi e kritikon/ Belind Këlliçi i jep përgjigjen që