web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi zbulon detajet e takimit/ “Kongresmenët do të reagojnë për rastin e Berishës, çfarë do të ndodhë pas nëntorit”

19 Shtator 2022, 22:39, Aktualitet CNA
Këlliçi zbulon detajet e takimit/ “Kongresmenët do
Deputeti i Partisë Demokratike Belind Këlliçi

Deputeti i Partisë Demokratike, Belind Këlliçi, ka folur në lidhje me lobimin rus.

I ftuar në një emision, Këlliçi ka treguar edhe detaje nga biseda me kongresmenët amerikanë ku theksoi se rasti i kreut të PD-së, Sali Berisha, pritet të marrë një tjetër rrjedhë.

Sipas Këlliçit, kongresmenë që janë pjesë e komitetit të marrëdhënieve me jashtë kishin informacion të detajuar për rastin e Berishës dhe për aferën e inceneratorëve.

“Mua më vjen mirë se në takimet që kam pasur në SHBA, fati e do që PD të ketë miq ende në Kongres që e duan dhe vlerësojnë këtë forcë politike që ka rrëzuar komunizmin në këtë vend dhe që ka lidhur marrëdhëniet me SHBA-në në fillim të viteve ’90, dhe që më vjen mirë që një pjesë e atyre kongresmenëve që janë pjesë e Komitetit të Marrëdhënieve me Jashtë kishin informacion të detajuar për rastin e zotit Berisha dhe për aferën skandaloze të inceneratorëve.

Shpresoj që në zgjedhjet e nëntorit do të ketë një ndryshim të situatës së dy dhomave të Kongresit, dhe pse jo edhe të Senatit, e patjetër që nuk përjashtohet rasti që të merret në ‘thrritje’ edhe të ketë ‘Hearing’ në Departamentin e Shtetit për këtë çështje sepse janë tri letra të kongresmenit Lee Zelding që nuk kanë marrë përgjigje dhe kërkohet transparencë”, tha Këlliçi./ CNA.al





Lajmet e fundit nga