web counter
LEXO PA REKLAMA!

SHKARKO APP

App Store
Google Play

Kaos në trafik/ Qato: Ka policë në çdo pikë, qarkullim i lartë mjetesh

29 Dhjetor 2023, 16:23, Aktualitet CNA

Kaos në trafik/ Qato: Ka policë në çdo pikë,

Të gjithë qytetarët rekomandohen që të shmangin lëvizjet drejt Elbasanit, pasi situata me trafikun është kaotike.

Pamjet e siguruara nga CNA tregojnë një varg të gjatë automjetesh të ngecura në trafik.

Një panoramë e rënduar trafiku paraqitet sidomos në hyrje të Elbasanit, pikërisht në afërsi të rrethrrotullimit të Bradasheshit.

Pavarësisht se pamje duket qartë se e gjithë situata në kryqëzimin e ish metalurgjikut ëshët lënë në dorën e vetëm një polici.

Drejtori i Policisë Rrugore, Altin Qato, i kontaktuar nga CNA u shpreh se në terren ka forca të shtuara policie.

“Janë marrë masat dhe ka shërbime të shtuara, por varet ku i shihni ju shërbimet. Po të vish te rrethi i Shijonit, aty ky kryhet problemi në Bradashesh, aty ke policë. Policia jo vetëm Rrugorja, ka bërë plane të detajuara, janë të gjitha shërbimet në krye të detyrës”, u shpreh ai.

Sipas Qatos, masat janë marrë, por ka fluks të shtuar atumjetesh, të cilat pengojnë qarkullimin lirshëm.

“Trafiku është për hkak jo se ka mungesë të punonjësve të policisë, por është për shkak të numrit të jashtëzakonshëm të mjeteve që qarkullojnë”, theksoi drejtori i Policisë Rrugore.

Qato sugjeron që qytetarët të shmangin qarkullimin në oraret me fluks të shtuar trafiku./ CNA

 




Lajmet e fundit nga