web counter
LEXO PA REKLAMA!

SHKARKO APP

App Store
Google Play

Shqipëria hap ambasadë në Bosnjë dhe Hercegovinë

29 Dhjetor 2023, 11:59, Aktualitet CNA
Shqipëria hap ambasadë në Bosnjë dhe Hercegovinë
Kryeministri Edi Rama

Këshilli i Ministrave në mbledhjen e organizuar më datë 28 dhjetor 2023 ka miratuar vendimin për hapjen e misionit diplomatik “Ambasadë” të Republikës së Shqipërisë në kryeqytetin e Bosnjë dhe Hercegovinës, Sarajevë.

Për zbatimin e këtij vendimi është ngarkuar Ministria për Evropën dhe Punët e Jashtme.

Ky vendim hyn në fuqi pas botimit në “Fletoren zyrtare”.

“HAPJEN E MISIONIT DIPLOMATIK TË REPUBLIKËS  SË SHQIPËRISË NË BOSNJË DHE HERCEGOVINË

Në mbështetje të nenit 100 të Kushtetutës dhe të pikës 1, të nenit 21, të                          ligjit nr.23/2015, “Për shërbimin e jashtëm të Republikës së Shqipërisë”, me propozimin e ministrit për Evropën dhe Punët e Jashtme, Këshilli i Ministrave

V E N D O S I:

1. Hapjen e misionit diplomatik “Ambasadë” të Republikës së Shqipërisë në kryeqytetin e Bosnjë dhe Hercegovinës, Sarajevë.

2. Për hapjen e këtij misioni diplomatik, shpenzimet përballohen nga buxheti i Ministrisë për Evropën dhe Punët e Jashtme, miratuar për vitin 2024.

3. Ngarkohet Ministria për Evropën dhe Punët e Jashtme për zbatimin e këtij vendimi.

     Ky vendim hyn në fuqi pas botimit në “Fletoren zyrtare”.”, thuhet në njoftimin e qeverisë./ CNA





Lajmet e fundit nga