web counter
LEXO PA REKLAMA!

SHKARKO APP

App Store
Google Play

“Ulet numri i rekurseve”/ Sokol Sadushi: Problematikë shqetësuese ndër vite

29 Dhjetor 2023, 10:35, Aktualitet CNA
“Ulet numri i rekurseve”/ Sokol Sadushi: Problematikë
Kryetari i Gjykatës së Lartë, Sokol Sadushi

Kryetari i Gjykatës së Lartë, Sokol Sadushi, në një konferencë për mediat, bëri me dije se ka rënë numri i rekurseve në institucionet publike.

Sipas tij janë 468 kërkesa për heqje dorë nga rekursi, nga të cilat 384 u përkasin institucioneve publike dhe 84 individëve, të ndara në: 261 në fushën administrative, 177 në civile dhe 30 në penale.

Sadushi shprehet se numri i lartë i rekurseve është një problematikë shqetësuese.

Pjesë nga fjala e Sokol Sadushit për rekurset:

Heqjet dorë nga rekursi prej institucioneve publike ka vijuar edhe gjatë këtij viti, fenomen që është vënë re edhe tek individët. Janë 468 kërkesa për heqje dorë nga rekursi, nga të cilat 384 u përkasin institucioneve publike dhe 84 individëve, të ndara në: 261 në fushën administrative, 177 në civile dhe 30 në penale. Kjo prirje nevojitet të shoqërohet edhe me mosparaqitjen e rekurseve të reja, që dukshëm rezultojnë të pabazuara.

Përherë e kam evidentuar si një problematikë shqetësuese numrin e lartë të rekurseve, të cilat nuk arrijnë të kalojnë testin e pranueshmërisë. E ndarë sipas fushave, për vitin 2023 nuk e kalojnë këtë test 36% e rekurseve në Kolegjin Civil, 70% në Kolegjin Administrativ dhe 70% në Kolegjin Penal. Por nëse do shohim raportin ndërmjet individëve/personave juridikë privatë, nga njëra anë dhe organeve publike nga ana tjetër, rekurset e papranueshme në fushën administrative dhe civile u përkasin më tepër organeve publike. Për këtë vit, organet publike rezultojnë gjyqhumbëse në 70% të çështjeve administrative (1.441 çështje) dhe 73% të çështjeve civile (701 çështje). Individët/personat juridikë privatë rezultojnë gjyqhumbës në 30% të çështjeve administrative (629 çështje) dhe 27% të çështjeve civile (263 çështje). Ky raport është i ndryshëm në fushën penale, ku prokuroria rezulton gjyqhumbëse në 33% të çështjeve (521 çështje), ndërsa individët rezultojnë gjyqhumbës në 67% të tyre (1039 çështje)./ CNA





Lajmet e fundit nga