web counter
LEXO PA REKLAMA!

SHKARKO APP

App Store
Google Play

Kanosi kushëririn dhe qëlloi me armë në ajër, prangoset 26-vjeçari në Durrës

22 Gusht 2023, 10:50, Aktualitet CNA
Kanosi kushëririn dhe qëlloi me armë në ajër, prangoset
Momenti i arrestimit të 26-vjeçarit

Një 26-vjeçar është vënë në prangat e policisë pasi akuzohet se qëlloi me kallashnikov në ajër, për të kanosur kushëririn e tij, pas një konflikti për motive të dobëta, ndërmjet tyre.

26-vjeçari i arrestuar është shtetasi me inicialet shtetasi E. B., 26 vjeç, banues në fshatin Jubë, Durrës.

Kapja e tij u bë në kuadër të operacionit policor të koduar “Kalibri”.

Pas marrjes së njoftimit se në fshatin Jube, Durrës, një shtetas kishte qëlluar me armë zjarri në ajër, shërbimet e Komisariatit të Policisë Durrës, në bashkëpunim me Forcën Operacionale, kanë organizuar punën dhe kanë mbërritur në vendin e njoftuar, me qëllim arrestimin e autorit.

Shtetasi E. B. ka qëlluar me armë zjarri kallashnikov në ajër, për të kanosur kushëririn e tij, shtetasin M. B., 63 vjeç, me të cilin ishte konfliktuar për motive të dobëta.

Arma e zjarrit kallashnikov që posedohej pa leje nga 26-vjeçari, 2 krehra dhe 54 fishekë luftarak, u gjetën nga Policia dhe u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Kanosja” dhe “Prishja e qetësisë publike”./ CNA





Lajmet e fundit nga