web counter
LEXO PA REKLAMA!

SHKARKO APP

App Store
Google Play

Aksident te liqeni i Tiranës/ Makina del nga rruga, përfundon në digë

22 Gusht 2023, 09:27, Aktualitet CNA
Aksident te liqeni i Tiranës/ Makina del nga rruga, përfundon në
Foto nga vendi i ngjarjes

Një aksident automobilistik është regjistruar mëngjesin e kësaj të marte tek Liqeni Artificial i Tiranës.

Rreth orës 05:00 të mëngjesit, një mjet tip "BMW X6" është futur tek diga e Liqenit Artificial dhe është përplasur më pas me murin rrethues.

Pas ndodhjes së aksidentit drejtuesi i mjetit është larguar nga vendi i ngjarjes. 

Zona ku është përplasur mjeti është zonën e autorizuar vetëm për këmbësorë.

Aktualish nuk dihen arsyet se pse drejtuesi i mjetit është futur në këtë zonë.

Policia ka nisur hetimet dhe po punon për zbardhjen e rrethanave të aksidentit.

"Më datë 22.08.2023, rreth orës 05:15, në Rrugën e Kosovarëve, dyshohet se automjeti tip "BMW" me drejtues shtetasin E. A., 26 vjeç, banues në Durrës, ka dalë jashtë rruge dhe është ngjitur në skarpatin e digës së liqenit, më pas është përplasur me bordurën mbrojtëse anës liqenit.

Drejtuesi ka braktisur automjetin dhe është larguar nga vendi i aksidentit.

Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale, për veprat penale "Shkatërrimi i pronës" dhe "Largimi nga vendi i aksidentit"", njofton policia./ CNA





Lajmet e fundit nga