web counter
LEXO PA REKLAMA!

SHKARKO APP

App Store
Google Play

E fundit!

x

Jonaid Myzyri nën hetim/ Detajet, iu kërkua telefoni, çfarë ndodhi sot në SPAK

22 Prill 2025, 16:26, Aktualitet CNA

Jonaid Myzyri nën hetim/ Detajet, iu kërkua telefoni,

Detaje të reja janë zbardhur nga marrja në pyetje e kreut të Komisionit të Prokurimeve Publike Jonaid Myzyri i cili u thirr për herë të tretë nga Prokuroria e Posaçme.

Sipas asaj që raportohet në Syri Tv, se Myzyrit i është kërkuar telefoni por ka thënë para hetuesve se nuk e ka me vete.

Myzyrit i është komunikuar se është person nën hetim dhe që duke filluar nga sot do të duhet të paraqitet para hetuesve sa herë të jetë e nevojshme.

Emri i tij është regjistruar në regjistrin e procedimeve penale, prej kohësh.

Indicia për të hetuar rolin e tij si drejtues i Prokurimeve Publike, ka të bëjë me referime që janë bërë në SPAK nga Kontrolli i Lartë i Shtetit.

SPAK po heton një sërë procedurash tenderësh që kanë të bëjnë me objektin që kanë patur për ndërtimin apo rikonstruksionin e rrugëve ku autoritet kontraktor ka qenë Autoriteti Rrugor Shqiptar.

Dyshimet janë se është kryer vepra penale shkelje e barazisë në tenderë dhe shpërdorim detyre./ CNA

 





Lajmet e fundit nga