web counter
LEXO PA REKLAMA!

SHKARKO APP

App Store
Google Play

E fundit!

x

Hakerimi i e-maileve të SPAK-ut/ Apeli i GJKKO-së lë në burg Zambak Gjonin dhe Arnold Rrokajn

22 Prill 2025, 12:18, Aktualitet CNA

Hakerimi i e-maileve të SPAK-ut/ Apeli i GJKKO-së lë në burg

Apeli i GJKKO-së ka lënë në fuqi masën e sigurisë “Arrest me burg” për Zambak Gjonin dhe Arnold Rrokajn.

Gjoni dhe Rrokaj akuzohen për “Ndërhyrje të paautorizuar kompjuterike në kuadër të grupit të strukturuar kriminal”, në lidhje me hakerimin e e-maileve të SPAK-ut.

Njoftimi

Gjykata e Posaçme e Apelit ka lënë në fuqi arrestin në burg, caktuar nga Shkalla e Parë për Zambak Gjonin, ish-drejtor burgu njëherësh ish-funksionar pranë Inspektoriatit Kombëtar të Mbrojtjes së Territorit dhe ekspertit të IT-së pranë Hipotekës Arnold Rrokaj. Të rinjtë akuzohen për “Ndërhyrje e paautorizuar kompjuterike në kuadër të grupit të strukturuar kriminal”. Gjoni ka mohuar në gjykatë akuzën, duke pretenduar se SPAK nuk provon kryerjen e veprës penale. 

“Nuk provohet vepra penale e ndërhyrjes së paautorizuar kompjuterike, pasi vetë SPAK, nuk thotë që Gjoni ka ndërhyrë personalisht në këto të dhëna. Sa i takon veprës së dytë për grup kriminal, a mund të na thotë organi hetues se cili ka qenë qëllimi apo përfitimi i Zambak Gjonit? Nga të dhënat e deritanishme, prokuroria nuk evidenton se cili ka qenë përfitimi”, mësohet të ketë thënë mbrojtja. 

Por përkundër këtyre pretendimeve, gjyqtari Dhimitër Lara vendosi vijimin e masës arrest në burg.  SPAK thotë se mes prokurorëve që u tentua ti merreshin të dhëna nga adresa e email-it ishte edhe Altin Dumani, por nuk patën sukses, pavarësisht se pranon që u morën informacione nga disa adresa emailesh të 3 prokurorëve të posaçëm. Ngjarja ndodhi më 12 mars të këtij viti dhe disa prokuror ranë pre e sulmeve, mes të cilëve Behar Dibra, Elida Kaçkini dhe Enkeleda Millonai./ CNA

 





Lajmet e fundit nga