web counter
LEXO PA REKLAMA!

SHKARKO APP

App Store
Google Play

E fundit!

x

Rama fyen fëmijët e spektrit autik/ Qendrat heshtin, duke u bërë palë me bullizmin

22 Prill 2025, 14:40, Aktualitet CNA

Rama fyen fëmijët e spektrit autik/ Qendrat heshtin, duke u

Kryeministri Edi Rama, në retorikën e tij politike, gjatë fushatës elektorale, ka përdorur fjalë fyese dhe bullizuese ndaj shtresave të ndryshme të shoqërisë. Fillimisht fyeu meshkujt duke i cilësuar çyrykë, më pas u tha të rinjve mund të kërkoni videot e mia nudo janë në internet, ndërsa këtë të martë gjuha linçuese shkoi në një tjetër nivel, pasi fyeu fëmijët e spektrit autik.

Rama tha ndër të tjera se nëse shqiptarët zgjedhin opozitën më 11 maj janë çyrykë dhe autikë.

“Paguan lekët e dynjasë për të paguar 'Latifin'. Më hidhen mua pse them gjysma e burrave janë çyrykë. Po ça të them, e them si metaforë, nuk është raport klinik. Për mua kush shkon në kënetë është gjysmak. Të zgjedhësh midis BE-së dhe kënetës, kënetën, d.m.th. nuk je mirë, politikisht je autik, s’je mirë”, tha Rama.

Pas kësaj deklarate, redaksia e CNA-së kontaktoi disa qendra që merren me trajtimin e fëmijëve me spektër autik. I pyetëm për qëndrimin e tyre, duke qenë se merren me përkujdesjen e këtyre fëmijëve dhe janë të parët që i njohin në detaje vështirësitë me të cilët hasen këta fëmijë dhe familjarët e tyre.

Rama fyen fëmijët e spektrit autik/ Qendrat heshtin, duke u
1. Kontaktuam “Qendrën TISS”. Në komunikim kjo qendër tha se dënon gjuhën diskriminuese ndaj njerëzve me nevoja të veçanta, do të duhet të reagojë grupi për Personat me Aftësi të Kufizuara. Por gjithsesi nga kjo qendër na u tha se ata personalisht nuk mund të reagojnë publikisht pa parë videon e Ramës. Videoja e Ramës iu dërgua nga ne si redaksi, por deri në publikimin e këtij materiali, nuk ka ende një reagim nga kjo qendër lidhur me gjuhën e kreut të qeverisë.

Rama fyen fëmijët e spektrit autik/ Qendrat heshtin, duke u

2. “QENDRA KOMBËTARE TERAPEUTIKE DHE REHABILITUESE PËR FËMIJËT”. Nga kjo qëndër na u tha se janë duke u marrë me punë, pasi kanë në fokus pikërisht këta fëmijë dhe nuk kanë kohë të japin një koment.

Rama fyen fëmijët e spektrit autik/ Qendrat heshtin, duke u

3. Kontaktuam po ashtu “QENDRËN SHQIPTARE TË AUTIZMIT”, të cilët na thanë se nuk japin dot një opinion, pasi nuk e kanë dëgjuar komentin e plotë të kryeministrit, ndërsa shtuan se do të gjejnë kohën për të na dhënë një koment, gjë që nuk ka ndodhur deri në momentin e publikimit të këtij materiali.

Rama fyen fëmijët e spektrit autik/ Qendrat heshtin, duke u

4. “QENDRA RAJONALE E AUTZMIT”. Na thanë që duhet t’u dërgonim një shkresë zyrtare para se të na japin një koment.

Rama fyen fëmijët e spektrit autik/ Qendrat heshtin, duke u
5. “QENDRA PTC SHËRBIM PSIKOLOGJIK-KLINIKË MJEKËSORE”. Ishte një nga qendrat që dha një qëndrim tepër kritik ndaj kryeministri Rama dhe theksoi se administrata, përfshirë kryeministrin, duhet të informohen më tepër se çfarë do të thotë termi autik.

“Nëse do të dihej nuk do të përdorej, pasi është një tentativë për bullizim për gjithë shoqërinë tonë apo edhe të tjerët që vuajnë nga ky spektër. Të jesh autik nuk është sëmundje dhe duke mos qenë sëmundje, nuk është diçka që shërohet, por duhet të trajtohet. Kur e përdorim këtë term, së pari duhet të mendojmë nëse çdokush nga ne ka apo jo sjellje të spektrit autik. Nuk duhet të keqpërdoret për fushatë”, u theksua nga kjo qendër.

Gjithsesi pavarësisht qëndrimit kritik, sërish kjo qendër nuk dëshiroi të bëhej publik komenti i tyre. Pra nga 5 qendra që kontaktuam asnjëra prej tyre nuk preferoi të komentonte gjuhën fyese të kreut të qeverisë, ose edhe nëse komentuan zgjodhën të mos bëhej publik zëri i tyre.
Dhjetëra qendra dhe shoqata në Shqipëri marrin mijëra fonde, shpesh edhe nga pushteti lokal dhe qendror, por kur duhet të ngrenë zërin për të mbrojtur ata që dhe kanë fokus: fëmijët me spektër autik, këto qendra zgjedhin të heshtin dhe më këtë heshtje bëhen palë me bullizmin e kryeministrit Rama dhe të çdokujt që fyen fëmijët dhe këdo tjetër me spektrin autik./ CNA





Lajmet e fundit nga