"Irena Gjoka ka paraqitur në KPK dokument të 1996 në Word"/ Kalaja sjell dosjen e vetingut

22 Shtator 2025, 19:17, Aktualitet CNA

"Irena Gjoka ka paraqitur në KPK dokument të 1996 në

Kryetarja e Komisionit të Apelimit pranë PD, Adriana Kalaja e ftuar në emisionin “Task Force” me gazetaren Sonila Meço ka zbardhur dokumentet që paraqiti sot në SPAK për të pasuruar dosjen e dorëzuar pak ditë më parë për gjytaren e GJKKO Irena Gjoka.

Kalaja bëri publike dy dokumente që gjyqtarja i ka përdorur për të kaluar në fazën e parë të vetingut në KPK ku sipas avokates Kalaja janë të falsifikuara.

Një prej dokumenteve është një kontratë qiraje mes bashkëshortit dhe vëllezërve të saj ku këta të fundit kanë dhënë me qira një lokal me 800 mijë lekë në muaj kur lokali më i mirë sipas çmimeve të referencës e kishte qiranë 150 mijë lekë tha ndër të tjera Kalaja.

Dokumenti i dytë i paraqitur është një prokurë ku Irena Gjoka dhe bashkëshorti i saj autorizojnë një avokat grek për heqjen e ekspulseve.

Kalaja ka ngritur dyshime për vërtetësine e dokumenteve nisur nga formati pasi dokumenti i vitit 1996 ai i qiramarrjes është në Word, kur vetë Word-i është krijuar në vitin 1995 ndërsa dokumenti i vitit 2003 nuk është në Word. Po ashtu Kalaja ngre dhe dyshime për deklarimet mbi martesën ku thotë se siaps dokumenteve është bërë në vitin 2006.

"Është një kontratë qiraje që dua ta shohë publiku. Kjo kontratë daton në vitin 1996 ndërkohë që word-i është shpikur në vitin 1995, kjo shkresë është vulosur në Fier në vitin 1995 nga vëllezërit e Irena Gjokës, pa praninë e noterit.

Ligji thotë se transaksionet financiare bëhen para noterit, ligji i kohës nuk e lejonte kontratën pa noter, ligji i ri e lejon kontratën me noter deri në një vit.

Ky dokument është paraqitur në veting nga Irena Gjoka, sepse i duheshin edhe 6 vite për të justifikuar paratë.

Ka marrë në vitin 1996 me 800 mijë lekë në muaj një lokal për 6 muaj, për të justfikuar 54 milionë lekë, lokali është vetëm 150 m2.

Në Tiranë në atë kohë lokali më i mirë shkonte 150 mijë lekë.

Qiramarrësi ishte bashkëshorti i Irena Gjokës ndërsa qiradhënësit vëllezërit e saj.

Bashkëjetesa ka nisur në vitin 2005, martesa e tyre është bërë në vitin 2006.

Nuk më intereson aspekti personal i Irenës më njëzet mbiemra, por kjo gjyqtare ka falsifikuar dokumentet dhe nuk plotësonte kushtet për t’u bërë gjyqtare.

Në vitin 2003 është një tjetër dokument, që nuk është në ëord ndërsa Irena dhe bashkëpunëtorët e bënin në vitin 1996.

Është prokurë ku autorizonin një avokat grek për të hequr ekspulset.

Irena me disa mbiemra deklaron po gjatë vetingut se paratë ua ka marrë vëllezërve që jetonin në Greqi.

Kanë punuar në Greqi apo te lokali me qira?

Është e qartë se ky dokument është prodhuar sot dhe SPAK i ka mjetet për të nxjerrë dhe nga cili kompjuter është prodhuar.

Kjo kontratë është fikitve dhe ka evazion. Pjesa më e rëndësishme që vërtetohet është që KPK i është drejtuar me një shkresë Zyrës Rajonale të Tatimeve të Fierit dhe ka marrë përgjigje negative", tha Kalaja.

Një tjetër çështje për të cilën Kalaja ngre pikëpyetje është edhe trupa e KPK që ka kaluar gjyqtaren Irena Gjoka në fazën tjetër të vetingut. Sipas Kalasë Roland Ilia, Valbona Sanxhaktari dhe Genta Bungo kanë fshehur çështjet dhe hetimet ndaj tyre.

Sipas Kalasë, Genta Bungo është projektuar nga Rama për në Kushtetuese, ndërsa Ilia është mik i Veliajt.

"Anëtar i vetingut ka qenë Roland Ilia, person i lidhur me Vleiajn, ky ishte anëtar i KPK dhe kryetar.

Tjetër ishte Valbona Sanxhaktari, person problematik që ka fshehur një proces penal që nuk e ka deklaruar.

Anëtare tjetër është Genta Bungo e cila është projektuar nga Rama për të marre Gjykatën Kushtetuese. Ndaj saj ka akuza për fshehje pasurir, ka patur auditim nga Kontrolli i Lartë i Shtetit që u mbjat e fshehtë që të zgjidhej anëtare e KPK.

A mundet sot të jenë pjesë e sistemit persona të tillë që kanë shkarkuar individë me qëllim që të jenë pjesë e tyre.

Kjo është drejtësi e shantazhueshme", tha avokatja.

Adriana Kalaja hodhi akuza të rënda ndaj gjyqtares Irena Gjoka dhe tha se me urdhër të saj personi që i ofroi dosjen është shkarkuar, është gjobitur dhe proceduar.

"Duke qenë se Irena me disa mbiemra është vënë në dijeni të faktit se kam marë dosjet ka bërë kallëzim ndaj personit që më ka vënë në dispozicion dosjet, i cili ka marrë autorizim.

Personi është shkarkuar, ka nisur procedimi penal dhe i është vendosur 8 milionë lekë gjobë", deklaroi Kalaja.