web counter
LEXO PA REKLAMA!

SHKARKO APP

App Store
Google Play

E fundit!

x

Këshilli Bashkiak i kërkoi shpjegimet me shkrim/ Veliaj reagon nga burgu i Durrësit

22 Shtator 2025, 16:37, Aktualitet CNA

Këshilli Bashkiak i kërkoi shpjegimet me shkrim/ Veliaj reagon nga

Kryebashkiaku i arrestuar me 13 akuza për 5 vepra të rënda penale, Erion Veliaj, i është drejtuar me një kërkesë Këshillit Bashkiak, i cili në deklaratë ka sqaruar se Veliaj mund t’i dorëzojë me shkrim pranë Këshillit Bashkiak, kërkesat dhe sqarimet e tij, që të paraqiten gjatë mbledhjes.

Me përgjigje të "allasojit" të tij, Veliaj thotë se nuk është informuar zyrtarisht për shkarkimin e tij.

Po ashtu ka nisur sulmin e tij ndaj Këshillit Bashkiak dhe Sekretarit të Këshillit Bashkiak duke thënë se çdo komunikim i tij shkon përtej funksioneve tekniko-administrative dhe është tejkalim i kompetencës.

Nga burgu i Durrësit Veliaj vijon të qahet se nuk është i është dhënë mundësia të dëgjohet për të dhënë shpjegimet e tij.

Reagimi i Veliajt

Në përgjigje të shkresës suaj, me firmën e Sekretarit të Këshillit Bashkiak, evidentojmë se nuk përmban vendimmarrjen me votim të Këshillit Bashkiak, lidhur me garantimin e të drejtave Kushtetuese të kryetarit të Bashkisë në procedurën e shkarkimit, të iniciuar ndaj tij si organi që ka kompetencën për të vendosur mbi praninë, dëgjimin dhe mbrojtjen e Kryetarit të Bashkisë.

Sekretari i Këshillit Bashkiak nuk mund të marrë përsipër rolin e një organi kolegjial. Çdo komunikim i Këshillit Bashkiak, që shkon përtej funksioneve teknike e administrative, përbën tejkalim të kompetencës dhe cenim të parimit të ndarjes së funksioneve. Sekretari është një funksion administrativ, jo organ politik dhe as vendimmarrës, në këtë procedurë. Kompetencat e tij kufizohen në sigurimin e infrastrukturës organizative të mbledhjes, shpërndarjen e materialeve dhe njoftimeve, protokollimin dhe mbajtjen e proces-verbaleve. Ai nuk ka asnjë tagër ligjor, të japë udhëzime, mbi mënyrën e realizimit të së drejtës për të dëgjuar apo interpretuar kërkesat e kryetarit. Në një procedurë që mund të përfundojë me shkarkimin e kryetarit, e drejta për t’u dëgjuar e kryetarit të Bashkisë është thelbësore. Kjo e drejtë nuk mund të mjaftohet në një njoftim formal të sekretarit të Këshillit Bashkiak, lidhur me mundësinë potenciale për të sjellë një mbrojtje me shkrim.

Nesër në orën 16:00 ka një mbledhje, pa u informuar zyrtarisht se për çfarë shërben kjo mbledhje dhe cili është rendi i ditës së saj, si dhe nuk kam asnjë informacion zyrtar lidhur me garantimin e së drejtës për t’u dëgjuar në këtë mbledhje, e cila, edhe pa shkresë nga ana ime, duhet të ishte mundësuar nga ana juaj.

Ende sot, një ditë përpara se të merret vendimi nga Këshilli Bashkiak, nuk jam informuar në mënyrë zyrtare ng ky Këshill me mbajtjen e një mbledhjeje, në të cilën do vendoset për shkarkimin tim si kryetar bashkie, shkaqet e shkarkimit, materialet që më ngarkojnë me përgjegjësi, sqarimet përkatëse nga ana juaj, klërkimin e sqarimeve dhe provave nga ana ime në lidhje me shkeljet e pretenduara dhe materialet mbi të cilat ajo mbështetet, dhe si rrjedhojë nuk më është siguruar mundësia që të mbrohem, dhënë shpjegime e të mbrohem përpara këtij organi kolegjial, as fizikisht e as me shkrim, për më tepër kur duke qenë se ndodhem në kushtet e paraburgimit, bazuar në një masë sigurimi personale, mundësitë i kam të kufizuara. Mbetem në pritje të vendimmarrjes me votim, nga ana e Këshillit Bashkiak, për garantimin e të drejtave kushtetuese të kryetarit të bashkisë, në procesin e iniciuar për shkarkimin e tij./ CNA

 





Lajmet e fundit nga