Ekskluzive/ Angela Martini për CNA: Ja mediat që abuzuan me imazhin dhe karrierën time

22 Shtator 2025, 10:20, Aktualitet CNA

Ekskluzive/ Angela Martini për CNA: Ja mediat që abuzuan me imazhin

Modelja e njohur shqiptare me famë ndërkombëtare, Angela Martini, ka rrëfyer për CNA lidhur me disa ngjarje të ndodhura pak vite më parë, ku ka ngritur akuza për abuzim me imazhin e saj nga kompani dhe media në Shqipëri.

Përmes një komunikimi telefonik, Martini ka ndarë detaje konkrete se si i janë hequr artikujt me emrin e saj, urdhrat për të mos e publikuar në media dhe drejtësinë që pret të vihet në vend.

Ekskluzive/ Angela Martini për CNA: Ja mediat që abuzuan me imazhin

Postimet në Instagram nga Angela Martini

Postime të tjera të bëra nga modelja:

Ekskluzive/ Angela Martini për CNA: Ja mediat që abuzuan me imazhin

E pyetur se cila është arsyeja e këtij reagimi publik, Martini shprehet se do vetëm të thotë të vërtetën, pasi është urdhëruar një bllokim i saj në media, për ta bërë të heshtë dhe për t’i sabotuar karrierën, që e cilëson si një abuzim të pushtetit për interesa personale.

“Arsyeja është e thjeshtë: Unë jam një që thotë të vërtetën dhe gjithmonë do të jem, nuk fshihem pas perdeve. Kam parë një abuzim që më ka ndodhur prej vitesh: më kanë bllokuar në media, kanë urdhëruar mediat të mos publikojnë për mua dhe kanë hequr artikujt e mi të vjetër me qëllim për të më heshtur dhe për të sabotuar karrierën time, imazhin tim dhe jetën time. Askush nuk duhet të ketë atë lloj pushteti ose kontrolli. Ky nuk është shtyp. Kjo nuk është gazetari. Është abuzim i pushtetit për interes personal. Në një demokraci në vitin 2025 askush nuk duhet të lejohet ta bëjë këtë. Jam e sigurt se u ka ndodhur shumë njerëzve, por ata nuk flasin. Njerëzit nuk duhet të kenë kurrë frikë të flasin, asgjë në këtë botë nuk është më e fortë se e vërteta”,-thotë Martini.

Postim nga Instagram

Postimet nga Angela Martini, drejtuar Fatmir Hysenbelliut:

Ekskluzive/ Angela Martini për CNA: Ja mediat që abuzuan me imazhin

Angela Martini nuk ka ngurruar të japë emra konkretë dhe të tregojë se cilat media kanë abuzuar me imazhin dhe karrierën e saj.

“Mediat që abuzuan me imazhin dhe karrierën time janë: ‘News 24’, ‘Balkanweb’, ‘Panorama TV’, ‘Panorama Sport’, ‘Panorama Plus’, Revista ‘Psikologjia’, Radio Rash, Gazeta Shqiptare, së bashku me shumë media dhe kolegë të tjerë që ata në fakt nuk i zotërojnë”,-thekson modelja.

Postim nga Angela Martini, kërkimi i lajmeve të botuara në panorama.com.al

Artikujt e fshirë, postim nga Angela Martini në Instagram

Martini rrëfeu se ka vijuar edhe procese ligjore, por sipas saj, gjykata më e mirë është drejtësia që vjen nga populli shqiptar.

“Lidhur me reklamën, e kam çuar tashmë në gjykatë dhe ata u bllokuan. Nuk mora asnjë para, sepse në atë pikë të jetës sime nuk kisha kohë ose energji për të qëndruar në krye të saj. Po përballesha me probleme serioze brenda familjes sime që kërkonin vëmendjen time të plotë, 24 orë në ditë. Por kur bëhet fjalë për situatën me median, ajo me të cilën po përballem tani është ndryshe. Gjykimi do të vijë nga populli. Ata janë gjykata ime. Ata janë drejtësia ime. Dhe nga gazetarët e vërtetë që zgjodhën këtë profesion për të thënë të vërtetën dhe për të ndarë histori të vërteta kundër korrupsionit, kjo është gjykata ime, drejtësia ime: populli shqiptar”,-shprehet Martini.

Ekskluzive/ Angela Martini për CNA: Ja mediat që abuzuan me imazhin

Një ditë më parë, Angela Martini denoncoi publikisht përmes disa postimeve në rrjetet sociale se disa vite më parë kishte qenë pjesë e një rasti të paprecedentë në karrierën e saj, kur evidentoi një situatë përfitimi nga imazhi i saj për një reklamë, gjë që zgjati për më shumë se një vit./CNA