E fundit!

21:34 Aktualitet

Protestat në Tiranë/ Eksperti i sigurisë: Prapavijë e huaj që e shfrytëzon dhe shumicë radikale në rrjete

Eksperti i sigurisë, Ervin Karamuço, ngriti sot dy shqetës...

Shkolla "Ali Laçej", mësim mes hekurash/ Beci, ultimatum: Oborri i shkollës të lirohet nga zaptuesit

20 Shtator 2025, 13:42, Aktualitet CNA

Shkolla "Ali Laçej", mësim mes hekurash/ Beci, ultimatum:

Shkolla 9-vjeçare "Ali Laçej" në qytetin e Shkodrës, që është një nga shkollat më të vjetra të qytetit verior që prej 30 vitesh është e rrethuar nga grumbuj hekurash, shkurre apo makina të parkuara para oborrit hyrës të saj duke detyruar që hyrja e nxënësve në shkollë të bëhet nga rrugica anësore.

Por, gjatë një inspektimi të bërë në ambientet e kësaj shkolle kryebashkiaku Benet Beci ka vënë ultimatumin që të hënën oborri para shkollës të lirohet.

“Puna e parë për ne është për ta kthyer shkollën mbarë siç ka qenë gjithmonë. Të mos ketë më nga këto çudirat që zihet shkolla, zihet oborri, shkatërrohet e gjithë infrastruktura e shkollës, hyrja nga një derë mbrapa si fshehtas. 160 nxënës janë të detyruar që t’i lirojnë rrugën atij që është uzurpues. Dera e shkollës do të jetë aty bashkë me disa investime që do të bëjmë ne, do të nisim nga dera, oborri, muret, sistemi i vijave të bardha për të hyrë e për të dalë dhe për të krijuar sigurinë e nxënësve. Kjo punë bashkë me përkushtimin tuaj të brendshëm dhe të bashkisë kemi mundësi që t'u krijojmë nxënësve edhe siguri, edhe dinjitet në një shkollë që të mos jetë muri aty, lavazhi aty, hekurat atje dhe ta bëjnë hyrjen siç i takon nga dera kryesore e shkollës”.

Inspektorati i Mbrojtjes së Territorit, Policia Bashkiake dhe Ndërmarrja e Shërbimeve do të ndërhyjnë të hënën në aksionin e kësaj hapësire, e cila do t’u rikthehet nxënësve dhe hyrjes së shkollës që do të kthehet aty ku ka qenë dikur./ CNA