ABI BANK feston 10-vjetorin

Banka Amerikane e Investimeve raporton rritjen më të lartë në sektorin bankar në 10 vitet e fundit.

22 Shtator 2025, 15:15, Aktualitet CNA

Banka Amerikane e Investimeve festoi 10-vjetorin e saj në ambientet e Pallatit të Brigadave. Që prej vitit 2015, ABI Bank është rritur 10-fish dhe në fund të vitit 2025 pas bashkimit me NOA-n pritet të arrijë në 2 miliardë dollarë.

Me pothuaj 1000 punonjës, grupi ABI Bank që përfshin edhe NOA-n, raporton rritjen më të lartë në sektorin bankar në 10 vitet e fundit dhe fitimin më të lartë në tri vitet e fundit.

Në eventin e mbajtur me rastin e përvjetorit, z. Igli Sulaj falënderoi klientët, punonjësit dhe të ftuarit e nderit, mes tyre Guvernatorin e Bankës së Shqipërisë z. Gent Sejko, ministren Delina Ibrahimaj, dhe Chargé d'Affaires të Ambasadës Amerikane në Shqipëri znj. Nancy VanHorn.

ABI BANK feston 10-vjetorin

Guvernatori i Bankës së Shqipërisë në fjalimin e tij tha se “pas një periudhe 10-vjeçare, mund të themi me bindje se strategjia e ndjekur nga ABI Bank, sado sfiduese që konsiderohej në fillim, ka rezultuar plotësisht e suksesshme, si për investitorët, ashtu edhe për promovimin e një konkurrence të shëndetshme në treg”.

ABI BANK feston 10-vjetorin

Ministrja Delina Ibrahimaj vlerësoi lidershipin, rolin dhe vizionin e ABI Bank në zhvillimin e ekonomisë shqiptare me fokus investimet në sektorin e turizmit shumë përpara se ky sektor të arrinte suksesin e viteve të fundit.

ABI BANK feston 10-vjetorin

Kathryn Swintek, kryetare e bordit të ABI Bank dhe Greg Katz, përfaqesues i NCH Capital, një fond investimesh amerikan që vazhdon të investojë në Shqipëri prej pothuaj 20 vitesh, shprehën vlerësimin për suksesin e ABI Bank, si dhe besimin në zgjerimin e mëtejshëm të aktivitetit të NCH në rajon. Ai theksoi se ABI ka mbështetur kauza sociale dhe ka sjellë zgjidhje inovative për bizneset vendase.

ABI BANK feston 10-vjetorin

Andi Ballta, CEO i ABI bank, u fokusua në rëndësinë që kultura e ABI Bank ka luajtur në suksesin e bankës. Ai tha se ABI Bank do të vazhdojë të investojë në turizëm, bono korporative lokale dhe monedhën shqiptare, si dhe mbështetje në aktivitete bamirësie, art, kulturë dhe sport.

ABI BANK feston 10-vjetorin