web counter
LEXO PA REKLAMA!

SHKARKO APP

App Store
Google Play

E fundit!

x

I pakënaqur me projektbuxhetin e vitit 2025/ Fisnik Qosja kërkon shtesë për bashkitë

13 Nëntor 2024, 12:58, Aktualitet CNA

I pakënaqur me projektbuxhetin e vitit 2025/ Fisnik Qosja kërkon

Presidenti i Shoqatës së Të Zgjedhurve Vendorë, Fisnik Qosja, ka kërkuar shtesë në buxhet për bashkitë nga taksat kombëtare.

Qosja thekson se ndarja nuk plotëson nevojat për bashkitë, veçanërisht për ato me ekonomi të kufizuar, për bashkitë e vogla dhe malore dhe sidomos ato në zonat më të varfra në veri, por dhe jug, gjithashtu edhe bashkitë bregdetare që përballen me flukse në industrinë e turizmit.

Ndër të tjera, Qosja kërkon që fondet e kushtëzuara për zhvillimin Rajonal të ndahen sipas prioriteteve të bashkive dhe jo sipas vendimeve qendrore.

Qëndrim i Shoqatës së Të zgjedhurve Vendorë mbi pr/buxhetin 2025

Shoqata e Të zgjedhurve Vendorë vlerëson faktin që taksapaguesit e ndershëm shqiptarë kanë paguar taksat dhe detyrimet tatimore për vitin 2024, duke siguruar një rritje të buxhetit që do të përdoret për vitin 2025.

Por nga analizat dhe konsultat e bëra nga stafi i Shoqatës së Të zgjedhurve Vendorë, prezantojmë këto çështje për të cilat mendojmë se i kontribuojnë forcimit të bashkive dhe përmirësimit të shërbimeve publike lokale.

Megjithëse rritja prej 13.2% e buxhetit vendor për vitin 2025 paraqitet si pozitive, ne si SHOQATA E TË ZGJEDHURVE VENDORË gjykojmë se më shumë buxhet mund dhe duhet të alokohet për bashkitë nga taksat kombëtare.

1. Për ne si shoqatë ndarja nuk ploteson nevojat për bashkitë, veçanërisht për ato me ekonomi të kufizuar, për bashkitë e vogla dhe malore dhe sidomos ato në zonat më të varfra në veri, por dhe jug, gjithashtu dhe bashkitë bregdetare që përballen me flukse në industrinë e turizmit. Ndaj ne kërkojmë që buxheti nga transferta e pakushtëzuar nga 1% e GDP të shkojë së paku 1.5%.

2. Ne si shoqatë kërkojmë buxhet për grantet e performancës të jepet prioritet në sektorin e pyjeve dhe kullota në bashki që e kanë prioritet strategjik këtë sektor.

3. Financimi i funksioneve të transferuara-Kërkojmë rritje buxheti me 10% për vaditjen, kullimin, digat dhe rrugët rurale.

4. Ne sugjerojmë një buxhet shtesë vetë për 11 bashkitë bregdetare dedikuar turizimit dhe mjedisit.

5. Ne si shoqatë e të zgjedhurve vendorë në konsultim me të zgjedhurit në të 61 bashkitë e vendit, kërkojmë që fondet e kushtëzuara Zhvillimin Rajonal të ndahen sipas prioriteteve të bashkive dhe jo sipas vendimeve qendrore.

6. Ne si Shoqatë e Të Zgjedhurve Vendorë, angazhohemi për të rritur përgjegjshmërinë, përpjekjet për të qenë sa më transparentë në vendimmarrjet tona dhe bashkëpunim ndërinstitucional. Shpresojmë që kërkesat tona të merren në konsideratë nga parlamenti dhe qeveria./ CNA





Lajmet e fundit nga