web counter
LEXO PA REKLAMA!

SHKARKO APP

App Store
Google Play

“SPAK s’duhet të bëjë politikë”, Bylykbashi: Goditja e Berishës shkërmoqje e opozitës

2 Nëntor 2023, 22:33, Aktualitet CNA
“SPAK s’duhet të bëjë politikë”,
Oerd Bylykbashi

Deputeti demokrat, Oerd Bylykbashi ka folur lidhur me akuzat që rëndojnë mbi Berishën si dhe se si e shikon ai rolin e SPAK.

Sipas Bylykbashit goditja e berishës është politike pasi përmes kësaj Rama synon që të shkërmoqë opozitën.

Ai bën një analogji mes rastit se çfarë do të ndodhte nëse do të arrestohej Rama që do të çonte në rënje të qeverisë me rastin e Berishës që çon në shkërmoqje të opozitës.

“Goditja e Berishës është politike. Unë të thash që spangua me të cilën kanë qepur SPAK është aq e trashë dhe bie aq shumë në sy saqë… Unë nuk di se çfarë ndodhë me këtë lloj drejtësie. Komisioni i Venecias ka thënë në 2015-ën se këto që po ndodhin, përfshirë edhe vettingun, ekziston mundësia që sistemi i drejtësisë të kapet nga partia që është në qeveri. E thonë ata. Paragrafi ’98, dokumenti i 2015-ës. Tani kjo ka ndodhur.

Atëhere, ata që mendojnë se Rama vepron në mënyrë intuitive bëjnë gabim. Rama është kundër kësaj. Ai bën një goditje më larg, dhe në të kundërt madje. Ajo që do ai është që në momentin që do të përballet sërish me opozitën, opozita të jetë e shkërmoqur. Të bëjmë një paralelizëm. Nëse SPAK-u do të arrestonte kryeministrin, gjëja e parë që do të ndodhte është se bie qeveria. Nëse SPAK-u do të arrestonte kreun e opozitës, gjëja e parë që ndodhë bie opozuita. Kjo nga ana politike, përtej aspektit juridik. Në këtë histori, barrën e provës, përtej dyshimit të arsyeshëm publik, e ka SPAK-u që nuk është ngatërruar me politikën.”, tha Bylykbashi./ CNA





Lajmet e fundit nga