web counter
LEXO PA REKLAMA!

SHKARKO APP

App Store
Google Play

E fundit!

x

Prokurorja e ushtarëve të inceneratorëve që synon SPAK-un, padit KLP-në

2 Nëntor 2023, 17:23, Aktualitet CNA
Prokurorja e ushtarëve të inceneratorëve që synon SPAK-un,
Prokurorja Sonila Muhametaj

Sonila Muhametaj, prokurorja që kandidon në SPAK, ka ngritur një padi kundër Këshillit të Lartë të Prokurorisë në Gjykatën e Apelit Administrativ.

Muhametaj kërkon të shpallet i paligjshëm vendimi i KLP-së, që ka të bëjë me kriteret dhe procedurën e ngritjes në detyrë të prokurorëve.

Prokurorja pretendon se rregullorja e miratuar nga KLP, në të cilën janë përcaktuar kriteret për vlerësimin dhe pikëzimin e kandidatëve dhe më pas miratimin e listës dhe në fund emërimin e tyre pranë SPAK, bie në kundështim me ligjin.

Gazetarja Klodiana Lala raporton se gjithashtu Muhametaj kundërshton edhe pikën ku thuhet se kandidatët duhet t’i nënshtrohen një vettingu të dytë.

“Ligji kërkon që kandidati të ketë kaluar vettingun me vendim të formës së prerë e të paankimueshëm”, thekson ajo në aktpadi.

Muhametaj, e cila ushtron aktualisht detyrën në prokurorinë e Tiranës, kërkon ngritjen në detyrë.

Sonila Muhametaj është një nga 8 kandidatët që garojnë për 3 vende vakante në Prokurorinë e Posaçme.

Ajo ka garuar në SPAK me mbështetjen, pikërisht të njerëzve të inceneratorëve dhe ortakëve të tyre apo personave të paguar nga ata.

Kujtojmë se Prokurorja u largua nga SPAK-u dhe shkoi te Prokuroria e Tiranës, sepse nuk pranoi të hetonte dhe të ndiqte deri në fund dosjen për Emiljano Shullazin.

Muhametaj sot mbështetet publikisht edhe nga mediat e bandës së inceneratorëve e gjobaxhinjve dhe njerëzve të medias të lidhur me botën e krimit./ CNA





Lajmet e fundit nga