web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet i kërkuari për vrasje/ Reagon Balla: Ngjarjet e rënda pa autor nuk mund të harrohen

2 Nëntor 2023, 17:53, Aktualitet CNA
Arrestohet i kërkuari për vrasje/ Reagon Balla: Ngjarjet e rënda
Ministri i Brendshëm, Taulant Balla

Ministri i Brendshëm, Taulant Balla ka reaguar lidhur me arrestimin në Fushë-Krujë të shtetasit Elmir Tufa.

Balla thotë se ka ende shumë persona në kërkim, ngjarje të rënda pa autor, e vrasje të vjetra që nuk mund të harrohen nëse autorët nuk përballen me drejtësinë.

“Një tjetër person me rrezikshmëri të lartë, i shpallur në kërkim për vrasje, u ndalua sot nga Forca Operacionale e Drejtorisë së Policisë Tiranë. Nuk duhet të harrojmë se kemi ende shumë persona në kërkim, ngjarje të rënda pa autor, e vrasje të vjetra që nuk mund të harrohen nëse autorët nuk përballen me drejtësinë. Përgëzime për sot.”, shkruan Balla në rrjetet sociale.

Elmir Tufa akuzohet për vrasjen e Shkëlzen Kastratit.

Ky i fundit u ekzekutua paraditen e 1 shkurtit të 2021 në fshatin Sheq në Fier. Ai u qëllua nga një makinë tip Range Rover, që pas vrasjes u gjet e djegur te Mbikalimi i Baltzës.

Dyshohet se ngjarja lidhet me një përplasje të vjetër mes familjeve Binjaku dhe Kastrati, për shkak të përfshirjes së vëllait të tij, Klementit në një sagë hakmarrjeje me Ermal Binjakun./ CNA





Lajmet e fundit nga