web counter
LEXO PA REKLAMA!

SHKARKO APP

App Store
Google Play

E fundit!

x

Gjykata Kushtetuese urdhëron Gjykatën e Lartë të bindë Veliajn pse duhet të rrijë në burg

1 Korrik 2026, 18:14, Aktualitet CNA

Gjykata Kushtetuese urdhëron Gjykatën e Lartë të bindë

Propaganda e Veliajt sot po tenton të shpallë humbjen fitore. Mediat pranë kryebashkiakut të arrestuar të Tiranës, Erion Veliajt kanë dalë sot me një lajm që thonë se Erion Veliaj ka shënuar fitoren e dytë në Gjykatën Kushtetuese.

Pas fitores së parë, Veliaj paska korrur fitoren e dytë.  Po nuk thonë se si ndodh që si me fitoren e parë, ashtu edhe me të dytën, Erion Veliaj vijon të qëndrojë në burg prej më shumë se 1 viti. Ndaj tij rëndojnë ende 13 akuza për 5 vepra të rënda penale.

Erion Veliaj, ndërkohë nuk shkon në gjykatë të gjykohet, por shpall nga këto “fitoret” 24 orëshe, ndërkohë që vetë vijon të qëndrojë në burg.

Fitore mediatike dhe propagandistike, të cilat tregojnë se nuk ka fituar asgjë. Ajo çka ka zbardhur sot Gjykata Kushtetuese është vendimi i 25 majit të vitit 2026 që lidhet me një vendim të Gjykatës së Lartë të datës 8 korrik 2025. (VENDIMI)

Pra për një vendim të Gjykatës së Lartë dhënë më shumë se një vit më parë, të cilin Gjykata Kushtetuese ja kthen gjykatës së Lartë për rishkruajtje të arsyetimit. Nuk ka shfuqizuar dispozitivin e vendimit të Gjykatës së Lartë.

Vendimi nuk e liron Erion Veliajn!

Gjykata Kushtetuese, në rast se e konsideron si antikushtetues mbajtjen në burg të Erion Veliajt, mund të kishte urdhëruar lirimin nga burgu të Veliajt. Por Gjykata Kushtetuese di provat prandaj nuk e marrin përsipër këtë aventurë që do të krijonte një precedent të rëndë dhe do të hidhte në erë sistemin e drejtësisë penale.

Ka shfuqizuar pjesërisht një vendim duke thënë se duhet të arsyetohet në mirë se pse kryetari i bashkisë së Tiranës mbahet në burg.  Janë të qarta arsyet pse kryebashkiaku mbahet ende në burg.

Arsyet lidhen kryesisht me prishjen e provave, intimidimin e dëshmitarëve, lobimin, përfshirë dhe këto propagandën mediatike që për SPAK në finale çojnë në një cënim të procesit.

GJKKO i ka zbardhur arsyet në të dyja nivelet e saj dhe Gjykata e Lartë ka konfirmuar në vendimin e 28 majit. Kujtojmë se kjo gjykatë edhe pas vendimit unifikues në lidhje me proporcionalitetin dhe me arrestimin në burg, e la Veliajn në qeli.

Është shumë e thjeshtë për t'u kuptuar e gjitha. Gjykata Kushtetuese me vendimin e saj ka vendosur shfuqizim të pjesshëm. Ose e thënë më thjeshtë ka urdhëruar Gjykatën e Lartë duke i thënë: Bindeni Erion Veliajn pse duhet të rrijë në burg.

Gjykata Kushtetuese shfuqizon pjesërisht vendimin, por edhe detyron Erion Veliajn të vazhdojë të rrijë në burg, edhe ja kthen Gjykatës së Lartë dhe i thonë kopsiteni më mirë dhe më fort arsyetimin e vendimit. E ne atë rast mbushini mendjen edhe të tjerëve, edhe vetë kryebashkiakut pse ai duhet të rrijë në burg.

Sa i takon nderit për Veliajn, me shfuqizimin e pjesshëm të vendimit të Gjykatësit së Lartë, Gjykata Kushtetuese nuk kanë bërë asgjë më shumë se sa thjesht ka larë gojën.

Duke e përcjellë sërish tek Sadushi. I cili duhet të jetë i fundit që me argumente edhe Kushtetuese duhet t'i mbushi mendjen Veliajt se pse duhet të rrijë në burg. /CNA





Lajmet e fundit nga