web counter
LEXO PA REKLAMA!

SHKARKO APP

App Store
Google Play

"Nuk mund të kemi task-forcë"/ Braho: Sfidë, hetimi i krimeve zgjedhore për votën në diasporë

1 Korrik 2026, 12:37, Aktualitet CNA

"Nuk mund të kemi task-forcë"/ Braho: Sfidë, hetimi i

Drejtuesi i Prokurorisë së Posaçme, Klodjan Braho, i pranishëm sot në Komisionin për Reformën Zgjedhore, tha se mungesa e efikasitetit në SPAK është një shqetësim që nuk është vetëm aktual. Braho tha se ka pasur një ngarkesë të krijuar vit pas viti.

Në lidhje me këtë, kreu i SPAK-ut tha se është miratuar një strategji në bashkëpunim me partnerët ndërkombëtarë, për reduktimin e çështjeve të prapambetura.

Strategji, për të cilën, Braho tha se në vitin aktual ka arritur efektshmëri në nivelin 120%.

Braho u pyet edhe për krimin zgjedhor me votën e diasporës, gjë për të cilën tha se do të paraqesë sfida pasi nuk mund të ketë task-forca në çdo vend të botës.

 

“Sa i përket mungesës së efikasitetit është një shqetësim për SPAK-un, që nuk është vetëm aktual. Kemi pasur një ngarkesë të krijuar vit pas viti. Vetëm në 2024 është plotësuar me numrin e plotë të hetuesve dhe prokurorëve. Vitin e kaluar SPAK-u në bashkëpunim me partnerët ndërkombëtarë ka miratuar një strategji për reduktimin e çështjeve të prapambetura. Një strategji që kontrollohet në periudha tremujore nga një grup i posaçëm në SPAK ku marrin pjesë edhe partnerët ndërkombëtarë.

Në vitin aktual, në 6 muajt e parë mund të themi që është në nivelin 120%. Sa i përket mënyrës së kualifikimit të veprave penale, në mënyrë të veçantë ai i grupit kriminal, lidhet rast pas rasti dhe nuk mund të japë një përgjigje konkrete për këtë gjë. Në të ardhmen hetimi i krimeve zgjedhore për votën në diasporë do të paraqesë sfida. Sepse në Shqipëri kemi task-forca, grupe hetimore, por nuk mund t’i kemi jashtë shteti në çdo vend”, tha Braho.





Lajmet e fundit nga