web counter
LEXO PA REKLAMA!

SHKARKO APP

App Store
Google Play

Reshje të dendura në qarkun Korçë/ Ja si paraqitet situata sipas bashkive

30 Qershor 2026, 20:46, Aktualitet CNA

Reshje të dendura në qarkun Korçë/ Ja si paraqitet situata

Reshjet e dendura të kësaj të marte janë shoqëruar me erë të fortë dhe në disa zona me breshër, në territorin e Qarkut Korçë.

Më konkretisht sipas bashkive janë raportuar këto situata:

Bashkia Maliq

Si pasojë e reshjeve intensive dhe erës së fortë, janë rrëzuar pemë mbi automjete në fshatin Rëmbec dhe në qytetin e Maliqit. Forcat e Stacionit të Mbrojtjes nga Zjarri dhe Shpëtimit ndërhynë menjëherë, duke neutralizuar situatat. Sipas informacionit paraprak, në fshatin Orman janë regjistruar reshje breshëri, por deri në këto momente nuk janë raportuar dëme në kulturat bujqësore.

Bashkia Kolonjë

Në fshatin Kamnik, Njësia Administrative Barmash, reshjet janë shoqëruar me breshër. Nga komunikimi me strukturat vendore nuk janë raportuar dëme apo problematika.

Bashkia Devoll

Si pasojë e reshjeve intensive, të shoqëruara me erë të fortë, një pemë (plep) u rrëzua në aksin rrugor drejt fshatit Progër, duke bllokuar përkohësisht qarkullimin. Forcat e Stacionit të Mbrojtjes nga Zjarri dhe Shpëtimit ndërhynë menjëherë, larguan pengesën dhe rikthyen qarkullimin normal.

Bashkia Pogradec

Deri në këto momente nuk janë raportuar dëme apo problematika si pasojë e kushteve atmosferike.

Bashkia Pustec

Raportohet ndërprerje e energjisë elektrike në katër fshatra. Punonjësit e OSHEE-së ndodhen në terren dhe po punojnë për riparimin e defektit. Probleme të tjera nuk raportohen.

Bashkia Korçë

Deri në këtë moment nuk është raportuar asnjë problematikë apo situatë emergjente. Situata paraqitet e qetë dhe vijon të monitorohet./CNA





Lajmet e fundit nga