web counter
LEXO PA REKLAMA!

SHKARKO APP

App Store
Google Play

GJKKO i dënoi me burg për kultivim të bimëve narkotike/ Arrestohen në Vlorë dy të shpallurit në kërkim

25 Tetor 2025, 12:55, Kronika CNA

GJKKO i dënoi me burg për kultivim të bimëve narkotike/

Dy persona janë arrestuar në Vlorë, pasi ishin shpallur në kërkim për kultivim të bimëve narkotike. Policia e Vlorës ka bërë me dije se në pranga janë vënë shtetasit, Aldo Tushaj, 38 vjeç dhe Sefer Dukaj, 45 vjeç.

GJKKO i ka dënuar për veprën penale “Kultivim i bimëve narkotike”, kryer në kuadër të grupit të strukturuar kriminal. Tushaj është dënuar me 3 vite e 11 muaj burg dhe Dukaj me 2 vite e 7 muaj burg.

Njoftimi i policisë:

DVP Vlorë/Kontrolle të pandërprera për kapjen e personave në kërkim, ndalohen 2 shtetas të dënuar për kultivim të bimëve narkotike në kuadër të grupit të strukturuar kriminal.

Në vijim të punës për lokalizimin dhe kapjen e shtetasve të shpallur në kërkim, strukturat e Seksionit për Hetimin e Narkotikëve, në bashkëpunim me Seksionin Operacional të Hetimit, bazuar në informacionet e siguruara nga inteligjenca policore, bënë të mundur kapjen dhe ndalimin e shtetasve:

• Aldo Tushaj, 38 vjeç, banues në Vlorë;

• Sefer Dukaj, 45 vjeç, banues në Vlorë.

Këta shtetas ishin shpallur në kërkim, pasi Gjykata e Posaçme e Shkallës së Parë për Korrupsionin dhe Krimin e Organizuar, me vendimin e datës 01.10.2024, të lënë në fuqi edhe nga Gjykata e Posaçme e Apelit me vendimin e datës 20.10.2025, i ka dënuar për veprën penale “Kultivim i bimëve narkotike”, kryer në kuadër të grupit të strukturuar kriminal, konkretisht shtetasin Aldo Tushaj me 3 vite e 11 muaj e 18 ditë burgim dhe shtetasin Sefer Dukaj me 2 vite e 7 muaj e 18 ditë burgim.

Materialet procedurale iu referuan Prokurorisë, për veprime të mëtejshme. /CNA





Lajmet e fundit nga