E fundit!

16:40 Aktualitet

Investimi në Zvërnec/ Rama: Ja njeriu që investitorët kanë kontraktuar për arkitekturën e peizazhit

Kryeministri Edi Rama ka zbuluar arkitektin me famë botëro...

Gjergj Luca në ‘Allishverishi’: Tranzicioni në Shqipëri nisi si pasojë e klimës së krijuar dhe mbështetjes nga intelektualët

20 Mars 2026, 20:57, Aktualitet CNA

Gjergj Luca në ‘Allishverishi’: Tranzicioni në

Sipërmarrësi i njohur Gjergj Luca, që vjen edhe si bashkëdrejtues i podcastit “Allishverishi’, që transmetohet çdo të premte në CNA TV, ndau sot një qëndrim lidhur me një nga periudhat më të vështira që ka kaluar shoqëria shqiptarë, atë të para tranzicionit.

Luca tha se e vërteta historike qëndron në faktin se ekzistonte një ndasi mes Tiranës dhe rretheve, sa i përket kontrollit të njerëzve.

Sipas Lucën, klima e krijuar nëpër botë çoi në hapat e parë drejt tranzicionit politik të Shqiëprisë, që sipas tij ndodhi edhe prej mbështetjes që mori nga intelektualët e kohës.

“Dua të them një të vërtetë historike dhe unë kam dalë para mediave që të them konceptin tim, që para 1990-ës, zonat rurale kanë qenë të bullizuara sepse ishte kontrolli i partisë, nga sekretari, brigadieri, kryetari i bashkive. Ne rrinim në komunitet. Të gjithë njerëzit që vinin në shkollat e larta, për shembull, unë që isha në Insitutin e Arteve, në klasën time kam pasur 6 anëtarë partie. A mund të mendosh dot që të vinin nga rrethet anëtarë partie dhe të bëheshin artistë? Ku janë ata sot? Me përjashim të Kiço Londos, që ishte këmbëngulës dhe pasionant. Këta njerëz nuk kanë kaluar pa u kontrolluar, ndërsa Tirana ka pasur një frymë tjetër. Mendoj se klima u krijua se erdhi momnenti në botë, dhe e dytë, ata që e mëbshtetën më shumë ishin fëmijët e intelektuarëve shqiptarë”,-tha Luca./CNA