web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërohet ulja e akcizës së karburantit me 20%, pritet rikthimi i Bordit të Transparencës

20 Mars 2026, 09:19, Aktualitet CNA

Paralajmërohet ulja e akcizës së karburantit me 20%, pritet

Vendimi për uljen e akcizës së karburantit me 20% pritet të bëhet publik së shpejti, në një përpjekje për të frenuar rritjen e vazhdueshme të çmimeve në treg. Paralelisht, pritet edhe ringritja e Bordit të Transparencës, si një mekanizëm për monitorimin dhe kontrollin e çmimeve të hidrokarbureve.

Sipas planit, akciza do të zbresë nga 39.6 lekë në 31.68 lekë për litër. Autoritetet theksojnë se ky vendim synon të garantojë çmime më të kontrolluara dhe të reduktojë abuzimet në treg. Çmimet e vendosura do të jenë tavan, dhe çdo tregtim mbi to mund të shoqërohet me penalitete.

Ringritja e Bordit të Transparencës pritet të luajë një rol kyç në këtë proces, duke mbikëqyrur zbatimin e çmimeve dhe duke rritur transparencën për konsumatorët.

Prej më shumë se dy javësh, që nga nisja e konfliktit në Lindjen e Mesme, çmimet e naftës dhe benzinës në vend kanë ardhur në rritje të vazhdueshme. Sipas një vëzhgimi të kryer më 19 mars, çmimet në pikat e shitjes variojnë nga 199 deri në 214 lekë për litër, duke shënuar një rritje prej rreth 9 lekësh krahasuar me mesjavën.

Në krahasim me periudhën para nisjes së konfliktit, çmimet e hidrokarbureve në tregun me pakicë rezultojnë rreth 14% më të larta. Qeveria synon që përmes këtyre masave të stabilizojë situatën dhe të lehtësojë barrën për qytetarët./ CNA





Lajmet e fundit nga