web counter
LEXO PA REKLAMA!

SHKARKO APP

App Store
Google Play

E fundit!

x

Besimtarët myslimanë festojnë Fitër Bajramin në Korçë

20 Mars 2026, 09:45, Aktualitet CNA

Pas përfundimit të muajit të shenjtë të Ramazanit, besimtarët myslimanë në Korçë u mblodhën mëngjesin e kësaj të premteje për të falur namazin e festës së Fitër Bajramit.

Ceremonia nisi rreth orës 06:30 në sheshin e xhamisë “Iljaz Bej Mirahori”, ku qindra besimtarë u bashkuan në lutje dhe urime për këtë ditë të shenjtë. Riti i faljes u drejtua nga myftiu i Korçës, Ledian Cikalleshi, i cili në mesazhin e tij uroi të gjithë besimtarët për më shumë paqe, begati dhe mirësi në familjet e tyre, duke e cilësuar këtë festë si shpërblimin e sakrificës së një muaji agjërimi.

“Në këtë ditë festive në xhaminë e Iljaz Bej Mirahorit, uroj të gjithë besimtarët myslimanë të qarkut të Korçës dhe gjithë shqiptarëve kudo që janë, gëzuar për shumë vjet Fitër Bajramin. Kjo festë është përmbledhja e sakrificës 30-ditore të agjërimit të muajit të Ramazanit.”

Ndërkohë, edhe besimtarët kanë përcjellë urimet e tyre, duke e cilësuar Fitër Bajramin si një ditë të bekuar që bashkon familjet dhe forcon besimin.

“Është një ditë e madhe, një ditë e bekuar që e festojnë shqiptarët kudo në botë. Gëzuar për shumë vite.”

“Pas një muaji agjërimi, sot festojmë Fitër Bajramin. Uroj që Allahu t’ua pranojë agjërimin të gjithëve dhe të sjellë shëndet e begati në çdo familje.”

“Në këtë ditë të bukur, uroj paqe, lumturi dhe të mira për të gjithë besimtarët. Gëzuar Fitër Bajramin!”

Atmosfera festive është shoqëruar me urime të ndërsjella, vizita familjare dhe akte solidariteti, duke përcjellë frymën e bashkimit dhe mirësisë që simbolizon kjo festë./ CNA





Lajmet e fundit nga