web counter
LEXO PA REKLAMA!

SHKARKO APP

Forumi i Ballkanit në Budapest/ Edith Harxhi: Agjenda globaliste, arsye e rëndësishme pse njerëzit largohen nga vendi i tyre

10 Mars 2026, 22:15, Aktualitet CNA

Forumi i Ballkanit në Budapest/ Edith Harxhi: Agjenda globaliste, arsye e

Drejtoresha ekzekutive e Qendrës së Politikave Shqiptare, Edith Harxhi ka marrë pjesë në Forumin e Ballkanit në Budapest. Gjatë fjalës së saj Harxhi ka theksuar pasojat negative të migrimit.

Ajo është shprehur se një arsye e rëndësishme se pse njerëzit largohen nga vendi i tyre është agjenda globaliste. Ndërsa e ka cilësuar si kërcënimi më i madh ekzistencial sot, Harxhi thotë se agjenda globaliste ka shkatërruar konceptin e njësisë familjare kudo në Evropë.

“Një arsye e rëndësishme pse njerëzit largohen nga vendi i tyre dhe pse kemi një valë të tillë migrimi është agjenda globaliste. Agjenda globaliste ka shkatërruar, në përgjithësi, konceptin e njësisë familjare kudo në Evropë, dhe për sa i përket qytetërimit evropian, ky është ndoshta kërcënimi më i madh ekzistencial sot”, është shprehur Harxhi.

Forumi i Ballkanit në Budapest (BBF) është një nga konferencat kryesore të Institutit Hungarez të Çështjeve Ndërkombëtare. Siç ka qenë që nga lançimi i BBF në vitin 2016, qëllimi i forumit  është të mbledhë vendimmarrësit, politikëbërësit dhe komunitetin e ekspertëve për të diskutuar trendet dhe mundësitë më urgjente që formësojnë Ballkanin Perëndimor, pasi e ardhmja e Evropës është e pandashme nga ajo e Ballkanit Perëndimor. /CNA





Lajmet e fundit nga