web counter
LEXO PA REKLAMA!

SHKARKO APP

App Store
Google Play

E fundit!

x

"Një presion nga jashtë dhe një lëvizje e fortë nga brenda"/ Zhulali: Ja çfarë mund të heqë Ramën nga detyra

10 Mars 2026, 20:58, Aktualitet CNA

"Një presion nga jashtë dhe një lëvizje e fortë

Drejtoresha e Departamentit të Marrëdhënieve Ndërkombëtare në PD, Ilda Zhulali ka komentuar vendimin e PS-së për të rrëzuar kërkesën e SPAK-ut për heqjen e imunitetit të deputetes Belinda Balluku. Në një lidhje me Syri Tv, Zhulali tha se vendimi ishte i pritshëm.

Ndër të tjera ajo u shpreh se vetëm një “presion nga jashtë” dhe një lëvizje e fortë e opozitës dhe qytetarëve mund të sjellin largimin e kryeministrit Edi Rama nga detyra.

“Me vendimin e fundit që mori për zonjën Balluku, që në fakt ne të gjithë në Shqipëri ishim pak a shumë të bindur që kjo do të ishte zgjedhja e tij, por ndoshta në Bashkimin Europian ka ende njerëz që besojnë që Edi Rama është i sinqertë në premtimet e tij për të zbatuar reforma, për të vendosur standarte europiane në Shqipëri. Me këtë vendim të fundit, ai edhe njëherë heq maskën nga fytyra e tij dhe tregon që ai tashmë ka marrë plotësisht trajtat e një autokrati dhe vetëm një kërcënim shumë i fortë jashtë, pra një presion shumë i fortë nga jashtë dhe një lëvizje shumë e fortë brenda e gjithë qytetarëve dhe opozitës së bashku do ta bëjnë të mundur, janë të vetmet mënyra për ta bërë atë që të largohet nga detyra.

Por ai nuk ka asnjë, pikë ku mund të frenojë, nuk ka një kufi, sepse tani është mbërthyer laku në fund. Përpara kësaj ne pamë edhe përpjekjen e fundit që ai bëri bashkë me Vuçiçin, sepse të dy janë në një krizë të brendshme politike, të vështirë, ku i kërkuan bashkarisht Bashkimit Europian që të ndërpresë proceset e anëtarësimit të plotë për vendet e Ballkanit dhe ta kthejë marrëdhënien tonë vetëm në një marrëdhënie tregtare, vetëm e vetëm që Shqipërisë dhe Serbisë t'i hiqen kushtet politike. Dhe sigurisht kjo gjë as nuk ka gjetur vend dhe as nuk do të gjejë vend. Përkundrazi, ai po vazhdon të marrë përgjigje të drejtpërdrejta nga BE. Sot ishte një tjetër zyrtar i lartë gjerman, Peter Beyer, që është edhe reporter në Bundestag për Ballkanin Perëndimor, i cili, siç e tha dhe vetë, është në vazhdimësi të një vizite zyrtare që ai ka zhvilluar me ministrin e jashtëm gjerman Ëadeful kur erdhi në Shqipëri, por kontaktet me palët kanë vazhduar dhe ai sot ka ardhur për të vazhduar atë presion që ka nisur që në nëntor”, tha Zhulali. /CNA





Lajmet e fundit nga