web counter
LEXO PA REKLAMA!

SHKARKO APP

App Store
Google Play

E fundit!

x

Fakulteti i Gjeologji-Minierave do të rikonstruktohet për 5.8 milionë euro, lidhet kontrata

1 Nëntor 2023, 14:19, Aktualitet CNA

Fakulteti i Gjeologji-Minierave do të rikonstruktohet për 5.8

Fakulteti i rikonstruktuar i Gjeologji-Minierave dhe një muze i dedikuar do të ndërtohen për 5.8 milionë euro. Universiteti Politeknik i Tiranës ka nënshkruar tashmë kontratën me fituesin BO “R&T & METRO DESIGN” sh.p.k përfaqësuar nga operatori ekonomik “METRO DESIGN” sh.p.k për një kontratë me vlerë 620 milionë lekë apo rreth 5.8 milionë euro. Fakulteti pësoi dëme në tërmetin e 21 shtatorit 2019 dhe atë të 26 nëntorit 2019.

“Godina e re e Fakultetit të Gjeologji-Minierave nuk pësoi dëmtime të mëdha nga veprimi i tërmetit i datës 21.09.2019 dhe 26.11.2019. Një ndër arsyet e qëndrueshmërisë së kësaj strukture ka të bëjë me simetrinë e këtij objekti në formë drejtkëndore dhe kombinimi i mureve mbajtëse me kolonat beton-arme. Në tërësi në objekt vihen re dëmtime të suvasë dhe dëme të lehta të mureve në afërsi të çarjeve.

Sipas dokumenteve Fakulteti ka dy objekte ekzistuese (Godina A dhe Godina B) dhe në projektin arkitektonik parashikohet të ndërtohet edhe një godine e re që do shërbejë si Muze, Bibliotekë dhe Sallë Konferencash (Aula Magna). Kompleksi i Fakultetit shtrihet në kodrat e Liqenit Artificial dhe ka një sipërfaqe të gjelbër përreth tij, e cila parashikohet të ndriçohet. Edhe objektet e veçanta parashikohen të kenë ndriçim dekorativ.

Projekti në fjalë parashikon përforcim të godinave ekzistuese ndërkohë që ndryshimi i fasadës kufizohet nga fakti që ka statusin e monumentit.

“Kemi të bëjmë me një objekt i zhvilluar katër kate mbi tokë. Godina në fjalë është realizuar me strukturë mbajtëse me muraturë tulle. Godina e FGJM-se është monument kulture i kategorisë së dytë (nuk lejohen ndryshime të fasadës së saj). Ndërtimi i saj ka filluar në vitin 1982”, thuhet në dokumente.

Lidhur me Muzeun e Gjeologjisë dokumentet specifikojnë se ai do të jetë në përdorim të Fakultetit duke shërbyer si një formë për të thelluar njohuritë akademike të studentëve.

“Objektivi kryesor i projektit për 'Muzeun e Gjeologjise dhe Minierave' që do të jetë në përdorim nga Fakulteti i Gjeologjisë dhe i Minierave (FGJM) të Universitetit Politeknik të Tiranës është të sigurojë ambiente të projektuara dhe të përshtatura në përputhje me kërkesat dhe nevojat e veprimtarisë akademike, me standardet bashkëkohore infrastrukturore dhe çdo akt juridik, normativ, apo standard në fushën e projektimit në Republikën e Shqipërisë dhe më gjerë, në shërbim të rritjes së cilësisë së mësimdhënies dhe kërkimit shkencor dhe ofrimit të mundësive për thellimin e njohurive teorike dhe praktike. Këto objektiva do te arrihen nëpërmjet krijimit të një vëllimi të ri i cili do të krijojë mundësinë e realizimit të të gjithë këtyre objektivave”, vlerëson raporti teknik./Monitor





Lajmet e fundit nga