E fundit!

17:50 Politikë

“Rama trajton turizmin si real estate”/ Këlliçi: Po u fal tokat e fermerëve biznesit të 5D

Deputeti i PD-së Belind Këlliçi ka hedhur akuza ndaj kryem...

Ekskluzive/ Çfarë po ndodh me bibliotekën “Thoma Turtulli” në Korçë

29 Qershor 2025, 16:04, Aktualitet CNA

Ekskluzive/ Çfarë po ndodh me bibliotekën “Thoma

Një foto që tregon bibliotekën e fëmijëve “Thoma Turtulli”, ku në dekada, breza pa fund kanë shkuar e kanë marrë librat e tyre, i kanë lexuar. Një bibliotekë e falur nga filantropi Thoma Turtulli për fëmijët e qyetit të Korçës.

Filantropi Thoma Turtulli

Në foton e parë që shikoni, është biblioteka e vjetër dhe në fotot e mëposhtme po sjellim fotot, ato që janë publikuar në rrjetet sociale, që janë bërë virale. Komentohen rëndomtë në rrjetet sociale, pa pasur informacion, me gjysmë të vërteta, por fatkeqësisht edhe me gënjeshtra.

Biblioteka e vjetër, 1930

Çfarë po ndodh në fakt me bibliotekën “Thoma Turtulli” në Korçë?

E vërteta është se atje po kryhet një investim dhe gjithçka duket në rrugën e duhur më në fund.

CNA mori informacion zyrtar nga Bashkia e Korçës.

Burime nga ky institucion thanë për CNA se është një fond prej 250 milionë lekë të vjetra, i cili do të jetë një investim i plotë për rikonstruksionin e kësaj godine. Një investim, i cili nuk është thjesht dhe vetëm një rregullim i fasadës, apo çatisë, por i plotë. Do ta kthejë atë bibliotekë fëmijësh në një godinë të re dhe shumë funksionale, e cila do të ketë edhe hapësira teknologjike, bibliotekën e fëmijëve, vendet e hapura për lexim, etj.

Rikonstruksioni përfshin fasadat, çatinë, dyert, dritare dhe gjithçka tjetër.

Ato dyer, që janë nxjerrë në këtë foto që e nxorrëm edhe më sipër dhe po e ripublikojmë edhe më poshtë, janë hequr për tu çuar për restaurim. Pra, dyert nuk do të hiqen dhe do të hidhen dhe do të mbahet një derë duralumini me një xham. Atje po ndërtohet një kantier.

Heqja e dyerve të vjetra të bibliotekës

Burimet zyrtare nga Bashkia e Korçës theksuan se dyert janë hequr së bashku me dritaret dhe do të çohen për restaurim të plotë dhe do të rikthehen në gjendjen e tyre fillestare .

Tashmë duhet një derë provizore dhe atje do të kemi një kantier ndërtimi. Të njëjtat burime theksuan se ky është një investim mjaft i rëndësishëm për fëmijët dhe për qytetin e Korçës dhe në fund do të kemi një bibliotekë fëmijësh të re, të rikonstruktuar, e cila do të ruajë njëqind përqind identitetin e saj arkitekturor dhe gjithçka tjetër përfshirë dyert dhe dritaret, apo objekte te tjera që janë pjesë e kësaj godine prej dekadash do të rivendosen pasi të rikonstruktohen për shkak të dëmtimeve që kanë marrë me kohën.

Punimet në hyrje të bibliotekës

Pra, në fund do të kemi një bibliotekë të re për fëmijët në Korçë. Ajo çka thuhet në rrjetet sociale lë lidhje me disa dyer të hequra është thjesht dhe vetëm një gjysmë e vërtetë, pasi dyert janë hequr për tu çuar për tu restauar, jo më për të vendosur dyer duralumini apo për të ndryshuar fasadën apo strukturën e godinës. Fasada dhe struktura do të mbetën të njëjta, së bashku me dyert dhe dritaret që do të bëhen thuajse të reja./CNA