web counter
LEXO PA REKLAMA!

SHKARKO APP

App Store
Google Play

E fundit!

x

Nis pastrimi i kolektorëve në Shkodër/ Muça: Do t'i çlirojmë nga bllokimi

29 Qershor 2025, 10:30, Aktualitet CNA

Nis pastrimi i kolektorëve në Shkodër/ Muça: Do t'i

Bllokimi i katër kolektorëve në qytetin e Shkodrës vitet e fundit ka sjellë probleme në qytet sa herë që ka reshje intensive shiu. Aktualisht ka nisur procesi i pastrimit në tre prej tyre.

Përgjegjësi i sektorit të ujitjes pranë Bashkisë, Muhamed Muça, bëri të ditur se ndërhyrja është përqëndruar në hapjen dhe pastrimin e katër kolektorëve, nga zona e Xhabijes deri në fund të lagjes Dobraç.

Sipas tij, këta kolektorë nuk ishin pastruar asnjëherë më parë, çka kishte krijuar probleme të vazhdueshme me evadimin e ujërave të bardha, veçanërisht gjatë reshjeve.

“Pastruam kolektorin që kap Xhabijën, sot jemi në kolektorin e Unazës Perëndimore. Shihet qartë që është një pastrim që ka munguar sepse në kolektorë kishte pemë 70 vjeçare. Duke pastruar edhe pjesën e sipërme të qytetit, ne do t’i çlirojmë kolektorët nga bllokimi që ndodh sa herë ka reshje shiu. Janë 4 kolektorë të parashikuar për tu pastruar. Ne jemi tek kolektori i tretë, kemi edhe një të fundit që i përket zonës së Dobraçit. Për ndërhyrje në këto kolektorë ka një domosdoshmëri për pastrim të vazhdueshëm.Pas Kolektorëve do vijojmë me pjesën e kullimit dhe në njësitë administrativë”, tha Muhamed Muça, përgjegjësi i sektorit të ujitjes.

Ndërhyrja aktuale synon të zgjidhë përfundimisht këtë situatë, duke përmirësuar ndjeshëm sistemin e kullimit për një pjesë të madhe të qytetit.

Njëkohësisht, puna ka vijuar me hapjen dhe pastrimin e kanaleve kulluese në disa njësi administrative të Shkodrës, me qëllim përmirësimin e infrastrukturës ujitëse dhe mbështetjen e bujqësisë në këto zona./ CNA





Lajmet e fundit nga