web counter
LEXO PA REKLAMA!

SHKARKO APP

App Store
Google Play

E fundit!

x

Përmirësimi i sinjalistikës dhe sigurisë rrugore, ARRSH 4 milionë euro për tri rajone

27 Qershor 2025, 13:10, Aktualitet CNA

Përmirësimi i sinjalistikës dhe sigurisë rrugore, ARRSH 4

Autoriteti Rrugor Shqiptar do të ndërhyjë në akset rrugore në tri rajone në vend në funksion të përmirësimit të sinjalistikës dhe rritjes së sigurisë. Tri procedura prokurimi me një fond limit total prej 403 milionë lekësh apo rreth 4 milionë euro parashikojnë ndërhyrje specifike.

Konkretisht bëhet fjalë për tri lote: “Përmirësimi i sinjalistikës horizontale, vertikale dhe pajisjeve të sigurisë rrugore në akset e Rajonit Verior Shkodër Loti 1 (2025)” me fond limit 196 milionë lekë, “Përmirësimi i sinjalistikës horizontale, vertikale dhe pajisjeve të sigurisë rrugore në akset e Rajonit Qendër Perëndim (Tiranë) Loti 2 (2025)” me fond limit 183.3 milionë lekë dhe “Përmirësim i sinjalistikës horizontale, vertikale dhe pajisjeve të sigurisë rrugore në akset e Rajonit Jugor Gjirokastër, Loti 3 (2025)” me fond limit 207 milionë lekë.

Ndërhyrjet në Veri

Janë disa akse ku synohet të ndërhyhet në zonën e Veriut të tilla si: Përmirësimi i Sinjalistikës Vertikale në Segmentin Rrugor Milot-Hani i Hotit (SH 1) 79 km. · Zëvendësimi, plotësimi dhe saktësimi i sinjalistikës vertikale. II. Përmirësimi i Sinjalistikës Horizontale në Segmentin Rrugor Milot – Lezhë – Shkodër ( SH 1 ) 47 km. · Rifreskimi i vijëzimit anësor dhe vijave të mesit si dhe ishujve të trafikut e shigjetave. III. Përmirësimi i Sinjalistikës Vertikale në Segmentin Rrugor Qafë-Mali – Fierzë (SH 22) 57 km. · Zëvendësimi, plotësimi dhe saktësimi i sinjalistikës vertikale. IV. Përmirësimi i Sinjalistikës Vertikale dhe Horizontale Qafë-Bualli – Ura e Cerenecit (SH 6) 21 km. · Zëvendësimi, plotësimi dhe saktësimi i Sinjalistikës Vertikale.

Ndërhyrjet në rajonin Qendër Perëndim

Segmentet rrugore të cilët do t’i nënshtrohen përmirësimit të sinjalistikës horizontale, vertikale si dhe të sigurisë rrugore ndodhen në Rajonin Qendër Perëndim dhe përshkojnë disa rrethe të këtij Rajoni. Ato janë pjesë e Rrjetit Rrugor Kombëtar që administrohen nga ARRSH. Segmente ku do të ndërhyhet: 1. Bishti i Zhurit – Elbasan (Papër) (SH 7) 31.40 km; 2. Cerrik – Belsh (SH 58) 10.40 km; 3. Belsh – Kosovë e Vogël (SH 68) 15.90 km; 4. Fier Shegan – Kozarë (Murriz) 6.60 km; 5. City Park – Durrës (SH 2) 21.50 km; Riparimi i Fugave të Urave: 1. Banjë – Gramsh (SH 59) 17.20 km; 2. Bishti i Zhurit – Elbasan (Papër) (SH 7) 31.40 km; 3. Ura e Dajlanit, Mbikalimi Plepa

Ndërhyrje në rajonin Jugor

Segmentet rrugore të cilët do t’i nënshtrohen përmirësimit të sinjalistikës horizontale, vertikale si dhe të sigurisë rrugore ndodhen në Rajonin Jugor dhe përshkojnë disa rrethe të këtij Rajoni. Ato janë pjesë e Rrjetit Rrugor Kombëtar që administrohen nga ARRSH. Segmente ku mendohet të ndërhyhet: 1. Tepelenë – Gusmar – Kuç 35 km; 2. Qeparo – Ura e Laskos (Kuç) (SH 76) 17 km; 3. Ura e Leklit – Këlcyrë – Përmet (SH 75) 35km; 4. K/Bylis – K/Segmentit Ballsh – Fratar (Qafa e Kashit) 4.30 km; 5. Jeta e Re – Kosovë e Vogël (SH 68) 4.40 km; 6. Qeparo – ShënVasil (SH 8) 25.40 km 7. Levan – Kufi Mallakastër (SH 4) 42.80 km; Ndriçimi: · Qeparo – Ura e Laskos (Kuç), 1 kryqëzim; · Lushnje – Fier Shegan, në kryqëzimin Jeta e Re, 1 kryqëzim; · Levan – Kufi Mallakastër, 11 kryqëzime; Riparimi i Fugave të Urave, Ura e Bënçës./ Revista Monitor





Lajmet e fundit nga