web counter
LEXO PA REKLAMA!

SHKARKO APP

App Store
Google Play

Kapet me telefon në burgun e Drenovës/ Izolohet Laert Haxhiu

29 Qershor 2025, 13:37, Aktualitet CNA

Kapet me telefon në burgun e Drenovës/ Izolohet Laert Haxhiu

Forcat Operacionale të Drejtorisë së Përgjithshme të Burgjeve kanë kapur me telefon në burg Laert Haxhiun

Pas konstatimit të telefonit në burg, autoritetet kanë vendosur në kushte izolimi Laert Haxhiun

Tashmë pritet të vendoset nëse do ta transferojnë apo do ta mbajnë ende në burgun e Drenovës, ku ndodhet prej 4 muajsh.

Haxhiu u arrestua në Greqi, në maj të 2023-shit.

Ai ka qenë kundërshtar i ish-kreut të bandës së Lushnjës Aldo Bare, u dënua përjetë për masakrën e Lushnjës në vitin 2017, ku mbetën të vrarë Zamir Latifi, mik i Bares, dhe Jurgen Hoxha.

Me burgim të përjetshëm për masakrën e Lushnjës janë dënuar më herët bashkëpunëtorët e Haxhiut, Anterio Kaloshi dhe Orgest Bilbili.

Gjykata e Lushnjës, në vitin 2017, e ka dënuar me 18 vjet burgim, për veprat penale "Vrasja në rrethana të tjera cilësuese", mbetur ne tentativë dhe "Mbajtja pa leje dhe prodhimi i armëve, armëve shpërthyese dhe i municionit”. Shtetasi Laert Haxhiu, më datë 25.09.2016, ka plagosur me armë zjarri shtetasit Xh. Sh. dhe S. Xh.;

Gjykata e Posaçme kundër Korrupsionit dhe Krimit të Organizuar, e ka denuar me burgim të perjetshëm, per veprat penale "Grupi i strukturuar kriminal", "Kryerja e veprave penale nga organizata kriminale ose grupi i strukturuar kriminal", "Vrasja në rrethana të tjera cilësuese", "Mbajtja pa leje dhe prodhimi i armëve, armëve shpërthyese dhe i municionit" dhe "Prishja e qetësisë publike".

Ai u ekstradua drejt Shqipërisë në Korrik të vitit 2024./ CNA





Lajmet e fundit nga