web counter
LEXO PA REKLAMA!

SHKARKO APP

App Store
Google Play

E fundit!

x

E papritur-Biznesmeni shpall kandidaturën për kryeministër

21 Gusht 2022, 13:04, Aktualitet CNA

E papritur-Biznesmeni shpall kandidaturën për kryeministër

Biznesmeni Gjergj Luca ka shpallur kandidaturën për kryeministër.

Me një ironi të hollë, duke thumbur politikanët tanë të 32 viteve, që brezat ndërrojnë dhe ata jo, Luca ka njoftuar se në shtator do të jetë në tapet si kandidat për kryeministër.

Sigurisht kjo shpallje kandidature ka ardhur në formën e humorit, në formën e një ironie që gozhdon politikanët që s’kanë bërë kurrë në jetë një punë për këtë vend dhe shpallen kandidatë për të udhëhequr.

Partia e Lirisë dhe Foltorja janë thumbuar nga biznesmeni që u referohet si të rinj të paprovuar në politikë.

“Më në fund vendosa dhe unë që të pushoj katër-pesë ditë.

Por u bë dita e dytë e që jam i shtrirë në shezllon dhe kam hapur telefonin se nuk kam çfarë bëj.

Kam kohë tepër dhe po lexoj portalet tona politike.

Kam filluar të mendoj se si ka mundësi që deri më tani kam mbështet një kryeministër që ia fut kot, merr taksat.

Ia fut kot, se ia fut kot Europa, se ia fut kot Amerika, pse duhet t'i marrë këto taksa.

Më mirë mos t'i marrë këto taksa.

Më mirë të provojmë këta të rinjtë, Partinë e Lirisë dhe Foltoren. Të provojmë këta njerëz që si kemi provuar asnjëherë.

Duke parë këta njerëz, këta të rinj, thashë pse more Lucë, mos ta fusësh edhe ti një herë veten me konkurru me këta.

Unë them që jam burrë më i mirë se këta, sepse unë them çfarë duhen këto taksa, kur njëri thotë përgjysmë dhe tjetri thotë ta kthejmë.

Unë them t'i heqim këto taksa fare, ç’na duhen këto taksa, bile t’u japim njerëzve edhe lekë, pse mos t’u japim lekë.

Dhe mendoj se duke i thënë këto fjalë, njerëzit do të më respektojnë, do të më duan më shumë.

Kështu që në shtator, më keni edhe mua në tapet për kryeministër.

A e shikoni pra miq, dy ditë Gjergj Luca në shezllon iu mbush mendja se është i mençur dhe ka mundësi të konkurrojë.

32 vjet këta që rrinë shtrirë në flladin e erës, në flladin e servilave, a e kuptoni se si mund t’u duket vetja këtyre.

Këta janë në planet tjetër o zotëri, janë në mars o zotëri”, shprehet Luca./CNA.al





Lajmet e fundit nga