web counter
LEXO PA REKLAMA!

SHKARKO APP

App Store
Google Play

Grida Dumës i “bie” mbrojtja/ Akuza Ramës dhe SHISH-it

21 Gusht 2022, 10:57, Aktualitet CNA

Grida Dumës i “bie” mbrojtja/ Akuza Ramës dhe SHISH-it

Deputetja e PD-së, Grida Duma, ka reaguar pas ngjarjes në uzinën e përpunimit të armëve në Gramsh.

Sipas Dumës kemi të bëjmë me kapitullim.

“Kapitullim! Dy ushtarë në repart ushtarak, sulmohen me kimikate nga “turistë” rusë, që i vijnë qark uzinës së armëve, repartit ushtarak, me ditë e ditë, e fotografojnë e vëzhgojnë, dhe kanë edhe guximin të sulmojnë me kimikate ushtarë me uniformë.

Kjo është mbrojtja e vendit!!!

Kapitullim!”, shkruan Duma në rrjete sociale.

Për deputeten e PD-së, gjithçka ka rënë, mbrojtja, shërbimet informative, siguria në parandalim.

Ndërkohë që ngjarja është parandaluar nga ushtarët që kanë qenë në shërbim.

Po Duma shkon edhe me tej duke bërë me faj kryeministrin Edi Rama.

Sipas saj, çdo përdredhje e Ramës “ishin nuk ishin” nuk mbulon dështimin që e ka vënë sigurinë kombëtare në pikëpyetje.

“Gjithçka ka rënë!

Mbrojtja, shërbimet informative, siguria në parandalim.

Muaj më parë, e thamë dhe theksuam, që kërkesës se Zelenskit drejtuar parlamentit shqiptar, që mos të pranoheshin turistë rusë, sepse rreziku që spiunazhi, apo kriminelë të luftës të hynin si turistë ishte i lartë, duhet ti përgjigjeshim menjeherë pozitivisht.

Ja rezultati, sot çdo përdredhje e Ramës 'ishin nuk ishin'; nuk mbulon dështimin që e ka vënë sigurinë kombëtare në pikëpyetje.

E gjitha sepse Rama, nuk ndan dot çfarë shitet e çfarë nuk shitet, çfarë mbrohet e çfarë nuk tenderohet mbi Shqipërinë”, shkruan më tej Duma./CNA.al





Lajmet e fundit nga