web counter
LEXO PA REKLAMA!

SHKARKO APP

App Store
Google Play

Ngjarja në uzinën e armëve në Gramsh/ Niko Peleshi qetëson qytetarët

21 Gusht 2022, 10:50, Aktualitet CNA
Ngjarja në uzinën e armëve në Gramsh/ Niko Peleshi
Ministri i Mbrojtjes, Niko Peleshi

Ministri i Mbrojtjes, Niko Peleshi, ka dhënë informacione mbi gjendjen e dy ushtarëve të lënduar në uzinën e armëve në Gramsh.

Në një deklaratë për mediat, Peleshi është shprehur se gjendja e Aldo Bicit dhe Ardian Xhakës, është e mirë.

Ndër të tjera ka qetësuar qytetarët duke thënë se ngjarja po hetohet nga shumë struktura shtetërore.

“Gjendja e ushtarakëve është e mirë, sot janë gati për të dalë. Po presim të zbardhet ajo që ka ndodhur dhe nga dëshmia e ushtarakëve. Tre shtetas të huaj i janë afruar ish-uzinës ushtarake të Gramshit. Nuk ka aktivitet si godinë. Një prej tyre ka kapërcyer rrethimin në mënyrë të paligjshme. Në këtë moment dy ushtarakët i kanë parandaluar.

Shtetasi rus ka përdorur një spraj dhe pavarësisht lëndimit ushtarakët e kanë ndaluar. Janë ndaluar dy shtetasit e huaj. Më pas janë ndaluar edhe dy shtetasit e tjerë. Çështja është një ngjarje edhe në kontekstin gjeopolitik. Nuk mund të kalojë si një incident i zakonshëm. Fakti që është reaguar dhunshëm na bën të jemi më të vëmendshëm. Do kemi një deklaratë për hetimet, nuk mund të zbardh më tepër.

Kanë qenë nën vëzhgim, ndaj dy ushtarakët tanë kanë reaguar menjëherë. Nuk mund të them nëse janë blogerë apo jo. Kemi të bëjmë me një ngjarje se ka dhunë brenda. Nuk bëhet fjalë për një protestë të ligjshme, janë futur në një ambient ku nuk duhet të lejohet të futen. Kemi të drejtë të dyshojmë për spiunazh, pasi çdo shtetas i huaj që futet në një zonë ushtarake për të fotografuar dyshohet për spiunazh”,- tha Peleshi./ CNA.al





Lajmet e fundit nga